रोमियो 8:2 - Halbi

² कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

परमेस्वर को सच्चो वचन ख जाननू

² काहेकि जिन्दगी कि आत्मा को नेम नी मसी यीसु म मोखा पाप कि अर मरन कि नेम से आजाद कर दियो।

रोमियो 8:2 Iomraidhean Croise

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 6:63

आत्मा तो जीवन देऊ आय, देंह ले काई लाब नाई; जोन गोठमन मय तुमचो ले बल्ले से हुन आत्मा आय, आउर जीव बले आय।

यूहन्ना 8:32

तुमी सत के जाना से, आउर सत तुमके छुटछाड़ा करेदे।”

यूहन्ना 8:36

ऐईकाजे अगर बेटा तुमके छुटछाड़ा करेदे, तेबे सते तुमी छुटछाड़ा होऊन जाहा से।

रोमियो 16:3

प्रिसकिला आउर अकविला के जोन मसीह ईशु ने मोचो सकरमी आय, जुहार।

रोमियो 3:27

तो घमण्ड करतोर काहां रली? हुनचो तो जगा ची निआय। कोन-बिती नियम चो कारन ले? काय करममन चो नियम ले? नाई, मान्तर बिश्वास चो नियम चो लागुन।

रोमियो 5:21

कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो।

रोमियो 6:14

तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

रोमियो 6:18

आउर पाप ले छंडाय जाऊन भाती धरम चो दास होऊन गेलास।

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

रोमियो 7:21

ऐ परकार मय ऐ नियम पाऊ आंय कि जिदलदाय भलाई करतोर इच्छा करू आंय, तेबे खराबी मोचो लगे ऐऊ आय।

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

रोमियो 7:4

असने ची ऐ मोचो भाईमन, तुमी बले मसीह चो देंह चो बाटले नियम चो लागुन मरलोर बनुन गेलास, कि हुन दुसर चो होऊन जाआ, जोन मरलो बितामन थानले जीव उठलो: बल्ले आमी माहापुरू चो काजे फल आनु।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

2 कुरिन्थियो 3:17

परबु तो आत्मा आय: आउर जाहांय बले परबु चो आत्मा आसे हुता छुटछाड़ा आसे।

2 कुरिन्थियो 3:6

जोन आमके नवा बायदा चो सेवक होतोर लायक बले करलो, शब्द चो सेवक नाई मान्तर आत्मा चो; कसनबल्लोने शब्द मारू आय, मान्तर आत्मा जिआऊ आय।

गलातियो 2:19

मय तो नियम चो बाटले नियम चो काजे मरून गेले कि माहापुरू चो काजे जीयें।

गलातियो 5:1

मसीह छुटछाड़ा चो काजे आमके छुट छंडालो से; आउर ऐई थाने थीर राआ, आउर गुलामी चो जुआंड़ी ने फेर ले नी जपा।

गलातियो 6:2

तुमी गोटक दुसर चो बोजा उठाआ, आउर ऐ परकार मसीह चो नियम के पुरा करा।

याकूब 1:25

मान्तर जोन माने छुटछाड़ा चो सिद्ध नियम थाने धिआन करते रऊ आय, हुन आपलो काम ने ऐईकाजे आशीष पायेदे कि सुनुन भाती भुलकु नुआय मान्तर असने ची काम करू आय।

प्रकाशितवाक्य 11:11

मान्तर साढ़े तीन दिन चो पाचे माहापुरू चो बाटले जीवना चो सांस हुनमन उपरे बसुन गेली, आउर हुनमन आपलो पाँयमन चो बल उबा होऊन गेला, आउर हुनमन के दकतो बितामन थाने बड़े भय छाऊन गेली।

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती