रोमियो 7:7 - Halbi

⁷ तेबे आमी काय बलवां? काय नियम पाप आय? केबीई नाई! मान्तर बिना नियम चो मय पाप के नी चितायें नियम अगर नी बोलती, कि लालच नी कर तेबे मय लालच के नी जानते।

परमेस्वर को सच्चो वचन ख जाननू

⁷ ते हम का कह हैं? का नेम पाप हैं? असो नी हैं! पर बिना नेम को म पाप ख नी चीन्न पर नेम अगर नी कह हैं, कि लोभ नी कर ते म लोभ ख नी जाना।

रोमियो 7:7 Iomraidhean Croise

मत्ती 5:28

मान्तर मय तुमके ऐ बलेंसे, कि जोन कोनी-कोनी बायले लेकी उपरे खराप नजर डालेदे हुन आपलो मन ने हुनचो ले बेबीचार करून चुकलो।

लूका 12:15

आउर हुन हुनमन ले बल्लो, “तिआर राहा, आउर सपाय परकार चो लोभ ले आपन खुद के बचाऊन संगाआ; कसनबल्लोने कोचीई जीवना हुनचो धन-माल चो खुबे होलोर ले नी होये।”

लूका 20:16

हुन ऐऊन भाती हुन किसानमन के नाश करे दे, आउर अंगुर चो बनवाड़ी दुसर के सोपे दे।” ऐ सुनुन भाती हुनमन बल्ला “माहापुरू करो असन नी होओ।”

प्रेरितो 20:33

मय कोचीई चाँदी, सोना नाहले फटीई चो लालच नी करले।

रोमियो 13:9

कसनबल्लोने ऐ कि “बेबीचार नी कर, हत्या नी कर, चोरी नी कर, लालच नी कर,” आउर ऐ मन के छांडुन आउर कोनी बले हुकुम आसे जाले सपाय चो अरत ऐ गोठ ने मिरू आय, “आपलो पड़ोसी ले आपलो समान मया संगाव।”

रोमियो 3:20

कसनबल्लोने नियम चो काममन ले कोनी जीव हुनचो पुरे धरमी नी ठेबदे ऐईकाजे कि नियम चो बाटले पाप चो पयचान होऊ आय।

रोमियो 3:5

ऐईकाजे अगर आमचो अधरम माहापुरू चो धारमिकता ठेबाऊन देऊ आय, तो आमी काय बोलवां? काय ऐ कि माहापुरू जोन रीस करू आय अनियायी आय? (ऐ तो मय माने चो रीति ले बलें सें)।

रोमियो 4:1

तेबे आमी काय बलवां, कि आमचो देंह चो बुआ अब्राहाम के काय परापत होली?

रोमियो 4:15

नियम तो रीस पयदा करू आय, आउर जाहांय नियम निआय हुता हुनचो तोड़ बले निआय।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

रोमियो 7:11

कसनबल्लोने पाप मवका पाऊन हुकुम चो बाटले मोके बहकालो, आउर हुनचेई बाटले मोके मारून बले दिलो।

रोमियो 7:13

तेबे काय हुन जोन अच्छा रली, मोचो काजे मरना ठेबली? केबीई नाई! मान्तर पाप हुन अच्छा तीज चो बाटले मोचो काजे मरना चो पयदा करतो बिता होलो कि हुनचो पाप होतोर उजागर होओ, आउर हुकुम चो बाटले पाप खुबे ची पापमय ठेबो।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 7:8

मान्तर पाप मवका पाऊन भाती हुकुम चो कारन मोचो ने सपाय परकार चो लालच पयदा करली, कसनबल्लोने बिना नियम पाप मुरदा आय।

1 कुरिन्थियो 15:56

मरना चो डंक पाप आय, आउर पाप चो बल नियम आय।

इफिसीयो 5:3

जसन पवितर लोगमन चो लायक आय, असने ची तुमी बले बेबीचार आउर कोनी परकार चो अशुद्ध काम नाहले लोभ चो गोठ बात तक नी होओ;

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

1 थिस्सलुनीकियो 4:5

आउर ऐ काम इच्छा ले नाई, आउर ना हुन जातिमन चो समान जोन माहापुरू के नी जानोत,

इब्रानियो 7:19

(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।