रोमियो 6:3 - Halbi

³ काय तुमी नी जानास कि आमी सपाय जोनमन मसीह ईशु चो डूबन धरलु, हुनचो मरना चो डूबन धरलु।

परमेस्वर को सच्चो वचन ख जाननू

³ का तुम लोग यू नी जान कि यीसु मसी को जे बपतिस्मा हम सब को मिलो हैं, उ उनकी माऊत को बपतिस्मा हैं।

रोमियो 6:3 Iomraidhean Croise

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

प्रेरितो 19:5

ऐ सुनुन भाती हुनमन परबु ईशु चो नाव ले डूबन धरला।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 8:16

कसनबल्लोने हुन ऐबे तक हुनमन थानले काचीई उपरे नी उतरून रये; हुनमन तो मात्र परबु ईशु चो नाव ले डूबन धरून रला।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

रोमियो 6:8

ऐईकाजे अगर आमी मसीह चो संगे मरून गेलु, तेबे आमचो बिश्वास ऐ आय कि हुनचो संगे जीऊन्दे बले।

रोमियो 7:1

हे भाईमन, काय तुमी नी जानास मय नियम चो जानतो बितामन ले बलेंसें कि जिदलदाय ले माने जीव रऊ आय, हुलदाय ले हुनचो उपरे नियम चो जय रऊ आय?

1 कुरिन्थियो 10:2

आउर सपाय बादरी ने आउर समुन्द ने, मूसा चो डूबन धरला;

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

1 कुरिन्थियो 15:29

नी होले जोन लोग मरलो बितामन काजे डूबन धरू आत हुनमन काय कर दे? अगर मुरदा जीव उठता ची नाई तेबे फेर केंव हुनमन चो काजे डूबन धरता?

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

1 कुरिन्थियो 5:6

तुमचो घमण्ड करतोर अच्छा नुआय; काय तुमी नी जानास कि खिन्डिक असन खमीर पुईतराय चटकलो बिती आंटा के खमीर करून देऊ आय।

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

1 कुरिन्थियो 6:9

काय तुमी नी जानास कि अनियायी लोग माहापुरू चो राज चो हकदार नी होदे? धोका नी खाआ; ना बेश्यागामी, ना मुरती पुजा करू, ना दुसर चो बायले नेतो बिता, ना लुच, ना पुरूषगामी,

1 कुरिन्थियो 9:13

काय तुमी नी जानास कि जोन मंदिर ने सेवा करू आत, हुनमन मंदिर थानो खाऊ आत; आउर जोन बेदी चो सेवा करू आत, हुनमन वेदी चो संगे सामिल होऊ आत?

1 कुरिन्थियो 9:24

काय तुमी नी जानास कि दौड़ ने तो दौडू सपाय आत, मान्तर ईनाम गोटक ची धरून जाऊ आय? तुमी असने ची दौड़ा कि जीता।

2 कुरिन्थियो 13:5

आपन खुद के परका कि बिश्वास ने आसास कि नाई। आपन खुद के जाचा। काय तुमी आपलो बारे ने ऐ नी जानास कि ईशु मसीह तुमचो ने आसे? नी होले तुमी जाच ने ठग निकरलासास।

गलातियो 3:27

आउर तुमनमन ले जितरो लोग मसीह ने डूबन धरला सोत हुनमन मसीह के पींदला सोत।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।