रोमियो 5:2 - Halbi

² जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

परमेस्वर को सच्चो वचन ख जाननू

² जेको माध्यम से हम न विस्वास को माध्यम से, ओ ख दया न पहुँच प्रान करी हैं ऐ म हम अब खड़ो हैं अर हम परमेस्वर कि महिमा की आसा म गर्व कर हैं।

रोमियो 5:2 Iomraidhean Croise

मत्ती 25:21

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय खिन्डिक ने बिश्वास लायक रलीस; मय तुके खुबे तीजमन चो अधिकारी बनायेंदें। आपलो मालिक चो हरिक ने सामिल हो।’”

यूहन्ना 10:7

तेबे ईशु हुनमन ले फेर बल्लो, “मय तुमचो ले सत-सत बलें सें, मेंडामन चो बाट मय आंय।

यूहन्ना 10:9

बाट मय आंय; अगर कोनी मोचो बाटले भीतरे ओलदे, तो मुक्ति पाये दे, आउर भीतरे बाहरे ईआर जाआर करे दे आउर चारा पाये दे।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

रोमियो 11:20

ठीक आय, हुनमन तो अबिश्वास चो लागुन टुटाया गेली, मान्तर तुय बिश्वास ले बनु रऊ आस ऐईकाजे घमण्डी नी हो, मान्तर भय मान,

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

रोमियो 14:4

तुय कोन आस जोन दुसर चो सेवक थाने दोष लगाऊ आस? हुनचो थीर रतोर नाहले घसरुन जातोर हुनचो मालिक ची ले नाता संगाऊ आय, मान्तर हुन थीर ची करून दिया जाये दे, कसनबल्लोने परबु हुनके थीर संगाऊक सके।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 3:23

ऐईकाजे कि सपाय पाप करला से आउर माहापुरू चो महिमा ले दूर आसोत,

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

रोमियो 8:24

ऐ आशा चो लागुन आमचो मुक्ति होली से; मान्तर जोन तीज चो आशा कराया जाऊ आय, जिदलदाय हुन दकतो ने ऐओ तेबे फेर आशा काहां रयदे? कसनबल्लोने जोन तीज के कोनी दके से हुनचो आशा काय करेदे?

1 कुरिन्थियो 15:1

हे भाईमन, अदायं मय तुमके हुनी नगतखबर सांगे से जोन पयले सुनान चुकले से, जोन के तुमी अंगीकार बले करू राआस आउर जोन थाने तुमी थीर बले आसास।

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

इफिसीयो 2:18

कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय।

इफिसीयो 3:12

जोन थाने आमके हुनचो उपरे बिश्वास करलो ले साहास आउर भरसा चो संगे माहापुरू चो लगे ऐतोर अधिकार आसे।

इफिसीयो 6:13

ऐईकाजे माहापुरू चो पूईतराय हत्यार बान्दा कि तुमी खराप दिन ने सामना करूक सका, आउर सपाय काई पुरा करून थीर रऊक सका।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

प्रकाशितवाक्य 21:11

माहापुरू चो महिमा हुनमन थाने रली, आउर हुनचो उजर खुबे ची बड़े मोल्या पकना, बल्लोने बिल्लोर चो असन यशब चो असन सफाई रली।

प्रकाशितवाक्य 21:23

हुन नंगर ने बेर आउर जोन चो उजर चो जरूरत निआय, कसनबल्लोने माहापुरू चो तेज ले हुन थाने उजर होये से, आउर मेमना हुनचो दीया आय।

प्रकाशितवाक्य 21:3

“फेर मय सिंघासन थानले कोनी के बड़े जोर ले ऐ बोलतोर सुनले, दक, माहापुरू चो डेरा मानेमन चो मंजी ने आसे। हुन हुनमन संगे डेरा करे दे, आउर हुनमन हुनचो लोग हो दे, आउर माहापुरू खुद हुनमन संगे रये दे आउर हुनमन चो माहापुरू होये दे।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”