रोमियो 5:10 - Halbi

¹⁰ कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

परमेस्वर को सच्चो वचन ख जाननू

¹⁰ हम दुसमन ही हतो, जब परमेस्वर को संग हमारो मिलनो ओको पोरिया कि माऊत मो माध्यम हो गयो हतो; अर परमेस्वर को संग मेल हो जान को बाद ओको पोरिया ख जिन्दगी माध्यम निस्चय ही हमारो उध्दार होऐ?

रोमियो 5:10 Iomraidhean Croise

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 5:26

कसनबल्लोने जोन रीति ले बुआ आपन खुद ने जीवना संगाऊ आय, हुनी रीति ले हुन बेटा के बले ऐ अधिकार दिलो से कि आपन खुद ने जीवना संगा ओ;

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

रोमियो 11:28

नगतखबर चो ले तो तुमचो काजे हुनमन माहापुरू चो बयरी आत, मान्तर चुनुन जातोर ले हुनमन बुआ-दादीमन चो लागुन लाड़रा आत।

रोमियो 5:11

मात्र ऐई नाई, मान्तर आमी आपलो परबु ईशु मसीह चो कारन, जेचो कारन आमचो मेल होली से, माहापुरू ने हरिक होऊ आंव।

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

रोमियो 8:7

कसनबल्लोने देंह थाने मन लगातोर तो माहापुरू ले बईर संगातोर आय, कसनबल्लोने ना तो माहापुरू चो नियम चो लगे आसे आउर ना होऊक सके;

2 कुरिन्थियो 5:20

ऐईकाजे आमी मसीह चो राजदूत आंव; माना माहापुरू आमचो दुवारा गुहार करे से। आमी मसीह चो बाटले गुहार करूं से कि माहापुरू चो संगे मिला-मिसा करा।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इफिसीयो 2:16

आउर कुरूस उपरे बईर के नाश करून ऐचो लागुन दुनो के गोटक देंह बनान भाती माहापुरू ले मिसाओ।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1यूहन्ना 2:1

हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।