रोमियो 4:2 - Halbi

² कसनबल्लोने अगर अब्राहाम काममन ले धरमी ठेबाय जातो, तेबे हुनके घमण्ड करतोर कारन होती, मान्तर माहापुरू चो लगे नाई।

परमेस्वर को सच्चो वचन ख जाननू

² यदि अब्राहम अपनो काम हुन से धर्मी ठहरायो गयो हैं, ते ओ ख अपनो पर गर्व करन कि जगह होव, पर परमेस्वर को सामने असो नी कर सक।

रोमियो 4:2 Iomraidhean Croise

रोमियो 15:17

ऐईकाजे हुन गोठमन चो बारे ने जोन माहापुरू ले नाता संगाऊ आय, मय मसीह ईशु ने बड़ाई करूक सके।

1 कुरिन्थियो 1:29

बल्ले कोनी जीव माहापुरू चो पुरे घमण्ड नी करूक पाओ।

1 कुरिन्थियो 1:31

बल्ले जसन लिकलोर आसे, असने ची होओ, “जोन घमण्ड करे दे हुन परबु ने घमण्ड करो।”

1 कुरिन्थियो 4:7

कसनबल्लोने तुचो ने आउर दुसर ने कोन भेद करू आय? आउर तुचो लगे काय आसे जोन तुय (दुसर ले) नी पावलीस? आउर तुचो लगे काय आसे जोन तुय (दुसर ले) पावली सीस, तो असन घमण्ड केंव करू आस कि माना नी पावलीस?

1 कुरिन्थियो 9:16

अगर मय नगतखबर सुनायेंदें, तो मोचो काजे काई घमण्ड चो गोठ नुआय; कसनबल्लोने ऐ तो मोचो काजे जरूरी आय। अगर मय नगतखबर नी सुनायें, तो मोचो उपरे हाय!

2 कुरिन्थियो 11:12

मान्तर जोन मय करू आंय, हुनी करते रयें दे कि जोन लोग दाँव डगराऊ आत हुनमन के मय दाँव पाऊक नी देयें, बल्ले जोन गोठ ने हुनमन घमण्ड करू आत, हुन थाने हुनमन आमचो ची असन ठेबोत।

2 कुरिन्थियो 11:30

अगर घमण्ड करतोर जरूरी आय, तो मय आपलो कमजोरी चो गोठमन थाने घमण्ड करें दें।

2 कुरिन्थियो 5:12

आमी फेर बले आपलो बड़ाई तुमचो पुरे नी करू, मान्तर आमी आपलो बारे ने तुमके घमण्ड करतोर मवका देऊं से कि तुमी हुनमन के जबाप देऊक सका, जोन मन थाने नाई मान्तर दकावटी गोठमन थाने घमण्ड करू आत।

गलातियो 3:22

मान्तर पवितर शास्त्र सपाय के पाप चो अधीन करून दिलो, बल्ले हुन बायदा जेचो आधार ईशु मसीह उपरे बिश्वास करतोर आय, बिश्वास करतो बितामन चो काजे पुरा होऊन जाओं।

इफिसीयो 2:9

आउर ना काममन चो लागुन, असन नी होओ कि कोनी घमण्ड करोत।

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;