रोमियो 2:7 - Halbi

⁷ जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

परमेस्वर को सच्चो वचन ख जाननू

⁷ अऊर जे लोग सान्ति पूर्वक भलाई कर हुयो बड़ाई, आदर अर अमरता की खोज म लगो रह हैं, परमेस्वर उन क अनन्त जिन्दगी देहे गयो; स्वार्थी रह हैं अर जे सच्चाई ख अस्वीकार कर हैं।

रोमियो 2:7 Iomraidhean Croise

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

यूहन्ना 4:36

काटतो बिता भुती पाऊ आय आउर अमर जीवना चो काजे पाक ओंडेयाऊ आय, बल्ले बुनतो बिता आउर काटतो बिता दुनो मिसुन भाती हरिक करोत।

यूहन्ना 5:44

तुमी जोन गोटक दुसर ले मान चाहायसास आउर हुन मान जोन गोटक मात्र माहापुरू चो बाटले आय, नी चाहास, कोन परकार बिश्वास करूक सकास?

रोमियो 2:10

मान्तर महिमा आउर मान आउर जय हरकोनी के मिरेदे, जोन अच्छा करू आय, पयले यहूदी के फेर यूनानी के।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

1 कुरिन्थियो 15:42

मुरदामन चो जीव उठतोर बले असने ची आय। देंह नाशवान दसा ने बुना जाऊ आय आउर अमर रूप ने जीव उठु आय।

1 कुरिन्थियो 15:50

हे भाईमन, मय ऐ बलें सें कि मास आउर लऊ माहापुरू चो राज चो अधिकारी नी होऊक सकोत, आउर नाशवान अमरता चो अधिकारी होऊक सके।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

इब्रानियो 2:7

तुय हुनके सरग दूतमन ले खिन्डिक ची कम करलीस; तुय हुनचो उपरे महिमा आउर ईजीत चो मुकुट संगालीस, आउर हुनके आपलो हाथमन चो काममन थाने अधिकार दिलीस।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।