रोमियो 2:16 - Halbi

¹⁶ जोन दिने माहापुरू मोचो नगतखबर चो असन ईशु मसीह चो बाटले मानेमन चो गुपत गोठमन चो नियाय करेदे।

परमेस्वर को सच्चो वचन ख जाननू

¹⁶ यू सब उ दिन प्ररगट कियो जाहे, कि जब परमेस्वर, मोरो अच्छो समाचार ख जसो, यीसु मसी दुवारा लोग हुन को छुपी सलाह हुन ख न्याय करे।

रोमियो 2:16 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

लूका 8:17

काई लुकलोर निआय जोन उजागर नी होओ, आउर ना काई गुपत आसे जोन जाना नी जाये आउर उजागर नी होओ।

यूहन्ना 12:48

जोन मोके तुच्छ जानु आय आउर मोचो गोठमन गरहन नी करे से हुनके दोषी ठेबातो बिता तो गोटक आसे: बल्लोने जोन बचन मय बल्ले से, हुनी पाचे चो दिन ने हुनके दोषी ठेबायदे।

प्रेरितो 10:42

आउर हुन आमके हुकुम दिलो कि लोगमन ने परचार करा आउर गोहई दिआस, कि ऐ हुनी आय जोन के माहापुरू जीवता आउर मरलो बितामन चो नियायी ठेबालो से।

प्रेरितो 17:31

“कसनबल्लोने हुन गोटक दिन ठेबालो से, जोन थाने हुन-हुन माने चो बाटले धरम ले जगत चो नियाय करे दे, जोन के हुन ठेबालो से, आउर हुनके मरलो बितामन थानले जिआऊन भाती ऐ गोठ सपाय उपरे परकट करून दिलो से।”

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 2:5

मान्तर तुय आपलो कठर टेकाहा मन चो लागुन हुनचो रीस चो दिन चो काजे, जोन थाने माहापुरू चो सत नियाय उजागर होयेदे, आपलो काजे रीस कमाय सीस।

रोमियो 3:6

केबीई नाई! नाहले तो माहापुरू कसन जगत चो नियाय करे दे?

1 कुरिन्थियो 15:1

हे भाईमन, अदायं मय तुमके हुनी नगतखबर सांगे से जोन पयले सुनान चुकले से, जोन के तुमी अंगीकार बले करू राआस आउर जोन थाने तुमी थीर बले आसास।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

गलातियो 1:11

हे भाईमन, मय तुमके सांगुन देयें से कि जोन नगतखबर मय सुना ले से, हुन माने चो नाई।

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

2 तीमुथियुस 2:8

ईशु मसीह के सुरता करू रा, जोन दाऊद चो पुरखा ले होलो आउर मरलो बितामन थानले जीव उठलो, आउर ऐ मोचो नगतखबर चो अनुसार आय।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 9:27

आउर जसन मानेमन चो काजे गोटक हार मरतोर आउर हुनचो पाचे नियाय चो होतोर नियुक्त आसे,

1 पतरस 4:5

मान्तर हुनमन हुनके जोन जीवता आउर मरलो बितामन चो नियाय करतो के तिआर आसोत, लेखा देदे।

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,