रोमियो 14:3 - Halbi

³ खातो बिता नी खातो बिता के तुच्छ नी जानो, आउर नी-खातो बिता खातो बिता थाने दोष नी लगा ओ; कसनबल्लोने माहापुरू हुनके गरहन करलो से।

परमेस्वर को सच्चो वचन ख जाननू

³ जे न खान वालो हैं ओ खान वालो ख बेकार नी जान खान वालो पर नी पर लगा अर नी खान वालो म कमी हुन नी खोज।

रोमियो 14:3 Iomraidhean Croise

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 9:14

तेबे यूहन्ना चो चेलामन ईशु लगे ऐऊन भाती बल्ला, “काय कारन आय कि आमी आउर फरीसी ईतलो उपास करू आंव, मान्तर तुचो चेलामन उपास नी करोत?”

लूका 18:9

हुन हुनमन ले जोन आपलो उपरे भरसा संगाते रवत, कि आमी धरमी आंव, आउर दुसरमन के नीच जानते रवत, ऐ कहनी बल्लो:

प्रेरितो 10:34

तेबे पतरस बल्लो, “अदायं मोके तय होली कि माहापुरू काचीई पक्ष नी करे”

प्रेरितो 10:44

पतरस ऐ गोठमन बोलते ची रलो कि पवितर आत्मा बचन चो सपाय सुनतो बितामन उपरे उतरली।

प्रेरितो 28:2

हुता चो रतो बितामन आमचो उपरे भयंकर किरपा करला; कसनबल्लोने पानी घसरतोर कारन सीत रली, ऐईकाजे हुनमन आईग जराऊन भाती आमी सपाय के ठेबाला।

रोमियो 11:15

कसनबल्लोने जिदलदाय हुनमन चो छांडुन दिआय जातोर जगत चो मेल चो कारन होली, तेबे काय हुनमन चो गरहन कराय जातोर मरलो बितामन थानले जीव उठतोर बराबर नी होये?

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

रोमियो 14:10

तुय आपलो भाई उपरे केंव दोष लगाऊ आस? नाहले तुय फेर केंव आपलो भाई के तुच्छ जानु आस? आमी सपाय ले सपाय माहापुरू चो नियाय सिंघासन चो पुरे उबा होवां।

रोमियो 14:13

आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

रोमियो 14:15

अगर तुचो भाई तुचो भात चो कारन मुरमुरा होऊ आय, तो फेर तुय मया चो रीति ले नी चलीस; जेचो काजे मसीह मरलो, हुनके तुय आपलो भात चो कारन नष्ट नी कर।

रोमियो 14:21

अच्छा तो ऐ आय कि तुय ना मास खा आउर ने दाखरस पिव, ना आउर काई असन कर जेचो ले तुचो भाई ठोकरना खाओ।

रोमियो 15:7

ऐईकाजे, जसन मसीह माहापुरू चो महिमा चो काजे तुमके गरहन करलो से, असने ची तुमी बले गोटक दुसर के गरहन करा।