रोमियो 13:7 - Halbi

⁷ ऐईकाजे हरकोनी चो हक चुकाहा; जेके करजा चो जरूरत आसे, हुनके करजा दिआस; जेके लागा जरूरत आसे, हुनके लागा दिआस; जेके डरतोर जरूरी आय, हुनचो ले डरा; जेचो ईजीत करतोर जरूरी आय, हुनचो ईजीत करा।

परमेस्वर को सच्चो वचन ख जाननू

⁷ अऊर जे ख कोई को तो ख देनो हैं, ओको हक चुका दे। जे कर तो ख देनो हैं, ओ ख दे। जेकी चूँगी तो पर निकलह हैं, ओ ख चूँगी दे। जे से तो ख डरनो चहिए ओको सम्मान कर।

रोमियो 13:7 Iomraidhean Croise

मत्ती 17:25

हुन बल्लो, “हव, देऊ आय।” जिदलदाय हुन घरे ईलो, तेबे ईशु हुनचो पचारतोर पयले ची हुनचो ले बल्लो, “हे शिमोन, तुय काय बिचार सीस? धरतनी चो राजा कर कोचो ले धरू आत? आपलो बेटामन ले नाहले दुसरमन ले?”

मत्ती 22:21

हुनमन हुनचो ले बल्ला, “राजा चो।” तेबे हुन हुनमन ले बल्लो, “जोन राजा चो आय, हुन राजा के; आउर जोन माहापुरू चो आय, हुन माहापुरू के दिआस।”

मरकुस 12:17

ईशु हुनमन ले बल्लो, “जोन राजा चो आय हुन राजा के, आउर जोन माहापुरू चो आय माहापुरू के दिआस।” तेबे हुनमन हुन थाने खुबे भक्याला।

लूका 20:22

काय आमके राजा के कर देतोर नगत आय कि नुआय?”

लूका 20:25

हुन हुनमन ले बल्लो, “तेबे जोन राजा चो आय, हुन राजा के दिआस; आउर जोन माहापुरू चो आय, हुन माहापुरू के दिआस।”

लूका 23:2

हुनमन ऐ बोलुन भाती हुनचो उपरे दोष लगाऊक मुरयाला, “आमीमन ऐके लोगमन के हुच-हुचाते, आउर राजा के कर देतोर ले मना करते, आउर आपन खुद के मसीह, राजा बोलतोर सुनलु से।”

रोमियो 12:10

भाईचारा चो मया ले गोटक दुसर ले लाड़ संगाहा; आपस ने ईजीत करतो ने गोटक दुसर ले बाड़ते चला।

रोमियो 13:6

ऐईकाजे कर बले दिआस कसनबल्लोने शासन करू बिता माहापुरू चो सेवक आत आउर हरमेशा ऐई काम ने लगुन रऊ आत।

इफिसीयो 5:33

मान्तर तुमचो ने हरकोनी आपलो बायले ले आपलो असन मया संगाओ, आउर बायले बले आपलो मनुक चो भय मानो।

इफिसीयो 6:5

हे दासमन, जोन लोग ऐ संवसार ने तुमचो मालिक आत, आपलो मन चो सीदा ले डरते आउर थरथरते, जसन मसीह चो असने ची हुनमन चो बले हुकुम माना।

1तीमुथियुस 5:13

ऐचो संगे ची संगे हुनमन घर-घर फिरून भाती ठग होऊक सिकु आत, आउर मात्र ठग नाई मान्तर पुटुर-पुटुर करते रऊ आत आउर दुसरमन चो काम ने हाथ बले डालु आत आउर बेकार गोठमन बोलु आत।

1तीमुथियुस 5:17

जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

1तीमुथियुस 6:1

जितरो दास चो जुआंड़ी चो खाले आसोत, हुनमन आपलो-आपलो मालिक के बड़े ईजीत चो लायक जानोत, बल्ले माहापुरू चो नाव आउर उपदेश चो निन्दा नी होओ।

1 पतरस 3:7

असने ची हे मनुकमन, तुमी बले अकल ले बायलेमन चो संगे जीवना गुजारा करा, आउर बायले लेकी के कमजोर तीज जानुन भाती हुनचो ईजीत करा, ऐ समजुन भाती कि आमी दुनो जीवना चो बर चो हकदार आंव, जेचो ले तुमचो पारथनामन ठेबुन नी जाओ।