रोमियो 12:2 - Halbi

² ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

परमेस्वर को सच्चो वचन ख जाननू

² अर यू दुनिया को सदस्य नी बन; पर तुमारी मन का नयो हो जानू से तुमारी चाल चलन भी बदलतो जाहे, जे से तुम परमेस्वर कि भली, अर भावती, अर पसंन्द, अर अच्छी परख अनुभव से मालूम कर सका हैं।

रोमियो 12:2 Iomraidhean Croise

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 15:19

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

यूहन्ना 7:7

जगत तुमचो ले बईर नी करूक सके, मान्तर हुन मोचो ले बईर करू आय कसनबल्लोने मय हुनचो बिरूद ने ऐ गोहई देऊ आंय कि हुनचो काम खराप आय।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 7:12

ऐईकाजे नियम पवितर आय, आउर हुकुम, पवितर, धरमी, आउर अच्छा आय।

रोमियो 7:14

आमी जानु से कि नियम तो आत्मिक आय, मान्तर मय देंह आउर पाप चो हाथे बिकी होले से।

रोमियो 7:22

कसनबल्लोने मय भीतरी मानेरूप ले तो माहापुरू चो नियम ले खुबे हरिक रऊ आंय।

1 कुरिन्थियो 3:19

कसनबल्लोने ऐ संवसार चो गिआन माहापुरू चो लगे मुरूकता आय, जसन लिकलोर आसे, “हुन गिआनिमन के हुनमन चो चलाकी ने फासुन देऊ आय,”

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 5:17

ऐई लागुन बेअकल नी हुआ, मान्तर धिआन ले समजा कि परबु चो इच्छा काय आय।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 3:10

आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 4:3

कसनबल्लोने माहापुरू चो इच्छा ऐ आय कि तुमी पवितर बना बल्लोने बेबीचार ले बाचुन राहा,

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 1:18

कसनबल्लोने तुमी जानास कि तुमचो ठग चाल-चलन जोन बुआ दादी ले चलते ऐये से, हुनचो ले तुमचो छुटकारा चाँदी-सोना आउर नाश बिती तीजमन चो दुवारा नी होली;

1 पतरस 2:3

कसनबल्लोने तुमनमन परबु चो किरपा चो सुआद चाकलासास।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

2 पतरस 1:4

जोनमन चो दुवारा हुन आमके बड़े मोल आउर खुबे बड़े बायदामन दिलो से बल्ले ऐ मन चो दुवारा तुमी हुन कुवतोर ले छुटुन भाती, जोन संवसार ने खराप मनमानीमन ले होऊ आय, माहापुरू चो स्वभाव चो शामिल होऊन जाहा।

2 पतरस 2:20

जिदलदाय हुनमन परबु आउर मुक्तिकरू ईशु मसीह चो पयचान चो दुवारा संवसार चो नाना परकार चो अशुद्धता ले बाचुन निकरला, आउर फेर हुन थाने फसुन भाती हारला, तेबे हुनमन चो पाचे चो दशा पयले ले बले खराप होऊन गेली से।

1यूहन्ना 3:13

हे भाईमन, अगर संवसार तुमके बईर करे से तो नी भक्याहा।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।