रोमियो 12:11 - Halbi

¹¹ कोशिश करतो ने ठग नी हुआ; आत्मिक हरिक ने भरू राआ; परबु चो सेवा करते राआ।

परमेस्वर को सच्चो वचन ख जाननू

¹¹ अऊर कोसिस करन म आलस नी कर सुध्द आत्मा कि खुसी म भरो रह प्रभु कि सेवा करते रह।

रोमियो 12:11 Iomraidhean Croise

मत्ती 24:12

अधरम चो बड़लोने खुबेमन चो मया सितर होऊन जाये दे,

मत्ती 25:26

हुनचो मालिक हुनके जबाप दिलो, ‘हे दुष्ट आउर ठग दास, जिदलदाय तुय ऐ जानते रलीस कि जोन थाने मय नी बुनले हुता ले काटु आय, आउर जोन थाने मय नी बिकरें हुता ले सकलु आय;

प्रेरितो 18:25

हुन परबु चो बाट चो सिक्या पाऊ रलो, आउर मन लगाऊन भाती ईशु चो बारे ठीक-ठीक सुनाते आउर सिकाते रलो, मान्तर हुन मात्र यूहन्ना चो डूबन चो गोठ जानते रलो।

प्रेरितो 20:19

बल्लोने बड़े दिनता ले, आउर आँसु बहाऊन-बहाऊन भाती, आउर हुन परीक्षामन ने जोन यहूदीमन चो खराप उआट चो लागुन मोचो उपरे ऐऊन पड़ली, मय परबु चो सेवा करते ची रले

1 कुरिन्थियो 7:22

कसनबल्लोने जोन दास चो हाल ने परबु ने हाग दिलोर आसे, हुन परबु चो छुटछाड़ा करलोर आय। असने ची जोन छुटछाड़ा चो हाल ने हाग दिलोर आसे, हुन मसीह चो दास आय।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

कुलुस्सियो 4:1

हे मालिकमन, आपलो-आपलो दासमन चो संगे नियाय आउर नुकु-नुकु बेबार करा, ऐ समजुन भाती कि सरग ने तुमचो बले गोटक मालिक आसे।

1तीमुथियुस 5:13

ऐचो संगे ची संगे हुनमन घर-घर फिरून भाती ठग होऊक सिकु आत, आउर मात्र ठग नाई मान्तर पुटुर-पुटुर करते रऊ आत आउर दुसरमन चो काम ने हाथ बले डालु आत आउर बेकार गोठमन बोलु आत।

इब्रानियो 12:28

ऐई लागुन आमी ऐ राज के पाऊन भाती जोन हलु नुआय बनालोर होओ, आउर भक्ति आउर भय संगे माहापुरू चो असन आराधनाकरू जेचो ले हुन हरिक होऊ आय;

याकूब 5:16

ऐईकाजे तुमी आपस ने गोटक दुसर चो पुरे आपलो-आपलो पाप के माना, आउर गोटक दुसर चो काजे पारथना करा, जेचो ले चेंगा होऊन जाआ; धरमी जन चो पारथना चो असर ले खुबे काई होऊक सके।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

प्रकाशितवाक्य 2:4

“मान्तर मोके तुचो बिरूद ऐ बोलतोर आसे कि तुय आपलो पयले चो असन मया छांडुन दिली सीस।”