रोमियो 12:1 - Halbi

¹ ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

परमेस्वर को सच्चो वचन ख जाननू

¹ एकोलाने अरे भई हुन, म तुम से परमेस्वर कि दया याद दिला ख विनती करु हूँ कि अपनो सरीर ख जीवित, अर सुध्द, अर परमेस्वर को खुसी करन लायक यू तुमारी बलिदान कर ख चढ़ाओ। यू तुम्हारो सच्ची सेवा हैं।

रोमियो 12:1 Iomraidhean Croise

लूका 7:47

ऐईकाजे मय तुमचो ले बलें सें कि ऐचो पाप जोन खुबे रये, छमा होली, कसनबल्लोने ऐ खुबे मया करली; मान्तर जेचो खिन्डिक छमा होली से। हुन खिन्डिक मया करू आय।”

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 15:30

हे भाईमन, आमचो परबु ईशु मसीह चो आउर पवितर आत्मा चो मया चो सुरता दियाऊन भाती मय तुमचो ले बिनती करेंसे, कि मोचो काजे माहापुरू ले पारथना करतो ने मोचो संगे मिलुन भाती मतभुल राहा।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

2 कुरिन्थियो 5:20

ऐईकाजे आमी मसीह चो राजदूत आंव; माना माहापुरू आमचो दुवारा गुहार करे से। आमी मसीह चो बाटले गुहार करूं से कि माहापुरू चो संगे मिला-मिसा करा।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 5:10

आउर ऐ परका कि परबु के काय भाऊ आय।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 4:10

आउर सपाय मकिदुनिया चो सपाय भाईमन चो संगे असन करू बले आहास। मान्तर हे भाईमन, आमी तुमके समजाऊँ से कि आउर बले बड़ते जाहा,

1 थिस्सलुनीकियो 5:12

हे भाईमन, आमी तुमचो ले गुहार करूं से कि जोन तुमनमन ने मसागत करू आत, आउर परबु ने तुमनमन चो अगुवा आत, आउर तुमके सिक्या देऊ आत, हुनमन चो मान करा।

1तीमुथियुस 2:3

ऐ आमचो मुक्तिकरू माहापुरू के अच्छा लागु आय आउर भाऊ बले आय,

1तीमुथियुस 5:4

अगर कोनी रान्डी चो पिलामन नाहले नाती पुती आसोत, तेबे हुनमन आगतु आपने ची घरलोगमन चो संगे भक्ति चो बरताव कर, आउर आपलो आया-बुआ बाकी के हुनमन चो हक देतोर सिकोत, कसनबल्लोने ऐ माहापुरू के भाऊ आय।

फिलेमोन 1:10

मय आपलो पिला उनेसिमुस चो काजे, जोन मोचो ले मोचो कयद ने जनमलो से, तुके गुहार करेंसे।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

1 पतरस 2:20

कसनबल्लोने अगर तुमनमन अपराध करून घुंसा खाआ आउर धीरज धरा, तेबे ऐ थाने काय बड़ाई चो गोठ आय? मान्तर अगर अच्छा काम करून दुख उठाऊ आस आउर धीरज धरू आस, तेबे ऐ माहापुरू के भाऊ आय।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।