रोमियो 10:4 - Halbi

⁴ कसनबल्लोने हरकोनी बिश्वास करतो बितामन काजे धारमिकता चो काजे मसीह नियम चो आखरी आय।

परमेस्वर को सच्चो वचन ख जाननू

⁴ काहेकि मसी नेम ख परिपूर्णता पहुँच हैं, अर हर एक विस्वास करन वालो ख धर्म प्रदान कर हैं।

रोमियो 10:4 Iomraidhean Croise

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

रोमियो 3:22

बल्लोने माहापुरू चो हुन धारमिकता जोन ईशु मसीह उपरे बिश्वास करलो ने सपाय बिश्वास करतो बितामन चो काजे आय। कसनबल्लोने काई भेद नियाय;

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

गलातियो 3:24

ऐईकाजे नियम मसीह लगले पहुँचातो काजे आमचो गुरजी होलो से कि आमी बिश्वास ले धरमी ठेबु।

गलातियो 4:5

बल्ले नियम चो अधीनमन के घेनुन भाती छंड़ाओ, आउर आमके हकदार होतोर पन मिरो।

कुलुस्सियो 2:10

आउर तुमी हुनी थाने भरपूर होलासास जोन सपाय बड़पन आउर अधिकारी चो शिरोमणि आय।

कुलुस्सियो 2:17

कसनबल्लोने ऐ सपाय ऐतो बिती गोठमन चो छांय आय, मान्तर मुर तीजमन मसीह चो आय।

इब्रानियो 10:14

कसनबल्लोने हुन गोटक ची चेगावा चो लागुन हुनमन के जोन पवितर करा जाऊ आत, हरमेशा चो काजे सिद्ध करून दिलो से।