रोमियो 1:8 - Halbi

⁸ पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

परमेस्वर को सच्चो वचन ख जाननू

⁸ सबसे पहले मी तुम सब को लाने यीसु मसी को वजेसे अपनो परमेस्वर कि बड़ाई करू हैं, काहेकि दुनिया भर म तुमारो विस्वास कि खबर फैइल गई हैं।

रोमियो 1:8 Iomraidhean Croise

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

लूका 2:1

हुन दिनमन ने राजा अगस्तुस चो बाटले हुकुम निकरली कि सपाय जगत चो लोगमन चो नाव लिका जाओ।

प्रेरितो 11:28

हुनमन थानले अगबुस नाव चो गोटक उबा होऊन आत्मा चो सिक्या ले ऐ सांगलो कि पुईतराय जगत ने बड़े अकाल पड़े दे हुन अकाल क्लौदियुस चो समया ने पड़ली।

प्रेरितो 28:22

मान्तर तुचो बिचार काय आसे? हुनी आमी तुचो ले सुनुक मन करूं से, कसनबल्लोने आमी जानु से कि हर जगा ऐ मत चो बिरूद ने लोग गोठमन करू आत।

रोमियो 10:18

मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

रोमियो 16:19

तुमचो हुकुम मानतोर चरचा सपाय लोगमन ने फयलुन गेली से, ऐईकाजे मय तुमचो बारे ने हरिक करें से, मान्तर मय ऐ चाहायें से कि तुमी भलाई चो काजे अकल बितामन मान्तर खराप चो काजे नुकु बनुन राहा।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

1 कुरिन्थियो 1:4

मय तुमचो बारे ने आपलो माहापुरू चो धन्यबाद सदा करूं आंय, ऐईकाजे कि माहापुरू चो ऐ अनुग्रह तुमचो उपरे मसीह ईशु ने होली,

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

इफिसीयो 1:15

ऐई लागुन, मय बले हुन बिश्वास चो खबर सुनुन भाती जोन तुमी लोगमन ने परबु ईशु थाने आसे आउर सपाय पवितर लोगमन उपरे मया चो खबर सुनुन भाती,

इफिसीयो 1:16

तुमचो काजे धन्यबाद करतोर नी छांडले, आपलो पारथनामन ने तुमके सुरता करू आंय

इफिसीयो 3:21

कलीसिया ने आउर मसीह ईशु ने हुनचो महिमा पीढ़ी ले पीढ़ी तक जुग-जुग होते रओ। आमीन।

इफिसीयो 5:20

आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 1:3

मय जिल-जिलदाय तुमके सुरता करूं आंय, तेबे-तेबे आपलो माहापुरू चो धन्यबाद करूं आंय;

कुलुस्सियो 1:3

आमी तुमचो काजे हरमेशा पारथना करून आपलो परबु ईशु मसीह चो बुआ बल्लोने माहापुरू चो धन्यबाद करूं आंव,

1 थिस्सलुनीकियो 1:2

आमी आपलो पारथनामन ने तुमके सुरता करूं आंव आउर सदा तुमी सपाय चो बारे ने माहापुरू चो धन्यबाद करूं आंव,

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

2 तीमुथियुस 1:3

जोन माहापुरू चो सेवा मय आपलो बुआ दादीमन चो रीति थाने शुद्ध बिबक ले करें से, हुनचो धन्यबाद होओ कि मय आपलो पारथनामन ने तुके सरलगा सुरता करूं आंय,

फिलेमोन 1:4

मय हरमेशा माहापुरू चो धन्यबाद करूं आंय, आउर आपलो पारथनामन ने बले तुके सुरता करूं आंय,

इब्रानियो 13:15

ऐईकाजे आमी हुनचो दुवारा स्तुति रूपी बलिदान, बल्लोने हुन होटमन चो फल जोन हुनचो नाव चो अंगीकार करू आत, माहापुरू के हरमेशा चेगाया करोत।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।