रोमियो 1:3 - Halbi

³ आपलो बेटा आमचो परबु ईशु मसीह चो बारे ने बायदा करलो; हुन देंह चो बाटले तो दाऊद चो पुरखा ले जनमलो

परमेस्वर को सच्चो वचन ख जाननू

³ अपनो पोरिया हमारो प्रभु यीसु मसी को बारे म वादा करयो रहा; उ सरीर को हिसाब से तो दाऊद को खानदान से पैदा भयो।

रोमियो 1:3 Iomraidhean Croise

मत्ती 1:1

अब्राहाम चो पिला, दाऊद चो पिला, ईशु मसीह चो बंसावली।

मत्ती 1:16

याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत।

मत्ती 1:6

आउर यिशै ले दाऊद राजा जनम होलो। आउर दाऊद ले सुलेमान हुन बायले ले जनम होलो जोन पयले उरिय्याह चो बायले रली,

मत्ती 12:23

ऐ थाने सपाय लोग भकवा होऊन भाती बोलुक मुरयाला, “ऐ काय दाऊद चो पिला आय!”

मत्ती 15:22

हुन परदेश ले गोटक कनानी बायले लेकी निकरली, आउर चिचयाऊन भाती बोलुक मुरयाली, “हे परबु! दाऊद चो पिला, मोचो उपरे दया कर! मोचो बेटी के दुष्टआत्मा खुबे कन्दराय से।”

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 27:43

हुन माहापुरू चो उपरे भरसा संगालो से; अगर हुन ऐके चाहाऊ आय, तेबे अदायं ऐके छंड़ाओ, कसनबल्लोने ऐ बोलु रलो, ‘मय माहापुरू चो बेटा आंय’।”

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 9:27

जिदलदाय ईशु हुन थानले पुरे गेलो, तेबे दुय झान कानामन हुनचो पाटकुती ले ऐ हाग देते गेला, “हे दाऊद चो पिला, आमचो उपरे दया कर!”

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 1:69

आउर आपलो सेवक दाऊद चो घर ने आमचो काजे गोटक मुक्ति चो सींग निकरालो,

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:34

आउर मय दकले, आउर गोहई दिले से कि ऐई ची माहापुरू चो बेटा आय।”

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 10:30

मय आउर बुआ गोटक आंव।”

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 20:28

ऐ सुनुन थोमा जबाप दिलो, “हे मोचो परबु, हे मोचो माहापुरू!”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 5:25

“मय तुमचो ले सत-सत बलें सें हुन समया ऐये से, आउर ऐबे आसे, जोन थाने मरलो लोग माहापुरू चो बेटा चो शब्द सुन दे, आउर जोन सुन दे हुनमन जीव दे।

यूहन्ना 7:42

काय पवितर शास्त्र ने ऐ नी ईली कि मसीह दाऊद चो पुरखा ले आउर बैतलहम गाँव ले ऐये दे, जोन थाने दाऊद रते रये?”

प्रेरितो 2:30

हुन अगम गिआनी रलो, हुन जानते रलो कि माहापुरू मोचो ले किरिया खादलो से कि मय तुचो बंश ले गोटक माने के तुचो सिंघासन थाने बसायें दे;

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 4:1

तेबे आमी काय बलवां, कि आमचो देंह चो बुआ अब्राहाम के काय परापत होली?

रोमियो 9:3

कसनबल्लोने मय ऐ थाले चाहते रले कि आपलो भाईमन, चो काजे जोन देंह चो हिसाब ले मोचो कुटुममन आत, खुद ची मसीह ले शरापित आउर अलग होऊन जाते।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

1 कुरिन्थियो 10:18

जोन देंह हिसाब ले इस्राएली आत, हुनमन के दका: काय बलिदानमन चो खातो बितामन बेदी चो शामिल नुआत?

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1तीमुथियुस 2:5

कसनबल्लोने माहापुरू गोटकी ची आय, आउर माहापुरू आउर मानेमन चो मंजी ने बले गोटकी ची मंजीमन्या आय, बल्लोने मसीह ईशु जोन माने आय।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

2 तीमुथियुस 2:8

ईशु मसीह के सुरता करू रा, जोन दाऊद चो पुरखा ले होलो आउर मरलो बितामन थानले जीव उठलो, आउर ऐ मोचो नगतखबर चो अनुसार आय।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 4:15

जोन कोनी ऐ मानु आय कि ईशु माहापुरू चो बेटा आय, माहापुरू हुनचो थाने बनुन रऊ आय, आउर हुन माहापुरू ने।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”