रोमियो 1:16 - Halbi

¹⁶ कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

परमेस्वर को सच्चो वचन ख जाननू

¹⁶ काहेकि म सुसमाचार से लज्जित नी होऊ, एकोलाने कि उ हर एक विस्वास करनवाला का लाने, पहले ते यूनानी फिर गैर यहूदी का लाने, उध्दार को लाने परमेस्वर कि सामर्थ्य हैं।

रोमियो 1:16 Iomraidhean Croise

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 9:26

जोन कोनी मोचो ले आउर मोचो गोठमन ले लाज होये दे, माने चो बेटा बले, जिदलदाय आपलो आउर आपलो बुआ चो आउर पवितर सरग दूतमन चो महिमा संगे ऐये दे, तेबे हुनचो ले लाज होये दे।

यूहन्ना 7:35

ऐ थाने यहूदीमन आपस ने बल्ला, “ऐ काहां जाय दे कि आमी ऐके नी भेटुन दें? काय हुन हुनमन चो लगे जाये दे जोन यूनानीमन ने जतखत होऊन भाती रऊ आत, आउर यूनानीमन के बले उपदेश देये दे?

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

रोमियो 10:17

आउर बिश्वास सुनलो ले आउर सुनतोर मसीह चो बचन ले होऊ आय।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

रोमियो 15:29

आउर मय जाने से कि जिदलदाय मय तुमचो लगे ऐयेंदें, तो मसीह चो पुरा आशीष चो संगे ऐयेंदें।

रोमियो 2:9

आउर कलेश आउर संकट सपाय माने चो जीव उपरे जोन खराप करू आय ऐयेदे, पयले यहूदी उपरे फेर यूनानी उपरे;

रोमियो 4:11

हुन खतना चो चिना पावलो कि हुन बिश्वास चो धारमिकता थाने छाप होऊन जाओ जोन हुन बिना खतना चो हाल ने संगाऊ रलो, जेचो ले हुन-हुन सपाय चो बुआ ठेबो जोन बिना खतना चो हाल ने बिश्वास करू आत बल्ले हुनमन बल्ले धरमी ठेबोत;

1 कुरिन्थियो 15:2

हुनचेई बाटले तुमचो मुक्ति बले होऊ आय, अगर हुन नगतखबर के जोन मय तुमके सुनाऊ रलें सुरता संगाऊ आस; नाहले तुमचो बिश्वास करतोर फकाहा होली।

1 कुरिन्थियो 2:2

कसनबल्लोने मय ऐ ठानुन रये कि तुमचो मंजी ईशु मसीह मान्तर कुरूस थाने चेगालोर मसीह के छांडुन आउर कोनी गोठ के नी जाने।

1 कुरिन्थियो 2:4

आउर मोचो बचन, आउर मोचो परचार ने गिआन चो ललचातो बिती गोठमन निआय, मान्तर आत्मा आउर सामरत चो साकी गुआ रये,

1 कुरिन्थियो 9:12

जिदलदाय दुसरमन चो तुमचो उपरे ऐ अधिकार आसे, तेबे काय आमचो ऐचो ले आगर नी होयेदे? मान्तर आमी ऐ अधिकार काम ने नी आनलु; मान्तर सपाय काई सहु आंव कि आमचो बाटले मसीह चो नगतखबर ने काई अड़चन नी होओ।

1 कुरिन्थियो 9:18

तो मोचो काय भुती आय? ऐ कि नगतखबर सुनातो ने मय मसीह चो नगतखबर सेंत मेंत करून देये ऐथा ले कि नगतखबर ने जोन मोचो अधिकार आसे हुनके बले मय पुरा रीति ले काम ने नी आने।

2 कुरिन्थियो 2:12

जिदलदाय मय मसीह चो नगतखबर सुनातो काजे त्रोआस ईले, आउर परबु मोचो काजे गोटक कपाट उगाढुन दिलो,

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

गलातियो 1:7

मान्तर हुन दुसर नगतखबर आसे ची नाई मान्तर गोठ ऐ आय, कि कितलो असन आत, जोन तुमके घबराऊन देऊ आत, आउर मसीह चो नगतखबर के नशाऊक चाहाऊं आत।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

1 पतरस 4:16

मान्तर अगर मसीह होलोर लागुन दुख पाओ, तेबे लाज नी हुआ, मान्तर ऐ गोठ चो काजे माहापुरू चो महिमा करा।