रोमियो 1:13 - Halbi

¹³ हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

परमेस्वर को सच्चो वचन ख जाननू

¹³ अरे भई हुन मी नी चाहूँ हैं कि तुम असी बात हुन से अनजान रैव कि मी न बार-बार तुमारो जोने आन को पिलान बनायो ताकि, जसो दुसरी जात हुन म फल मिले, वसो ही तुम म भी मिले, ते भी अब तक वहाँ जान ख लाने रोको गयो।

रोमियो 1:13 Iomraidhean Croise

यूहन्ना 12:24

मय तुमचो ले सत-सत बलें सें कि जिदलदाय ले गऊँ चो दाना भूईं थाने पडुन भाती मरून नी जाये, हुन ऐकला रऊ आय; मान्तर जिदलदाय मरून जाऊ आय, तेबे खुबे फल आनु आय।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 4:36

काटतो बिता भुती पाऊ आय आउर अमर जीवना चो काजे पाक ओंडेयाऊ आय, बल्ले बुनतो बिता आउर काटतो बिता दुनो मिसुन भाती हरिक करोत।

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

प्रेरितो 15:12

तेबे पुईतराय सभा ओगाय बरनबास आउर पौलुस चो सुनुक मुरयाली, कि माहापुरू हुनमन चो बाटले दुसर जातिमन ने कसन बड़े-बड़े चिना, आउर भयंकर काम दकालो।

प्रेरितो 19:21

जिदलदाय ऐ गोठमन होऊन चुकली तेबे पौलुस आत्मा ने ठानलो कि मकिदुनिया आउर अखाया ले होऊन भाती यरूशलेम ने जायें दें, आउर बल्लो, “हुता गेलोर पाचे मोके रोम के बले दकतोर जरूरी आय।”

प्रेरितो 21:19

तेबे हुन हुनमन के जुहार करून, जोन-जोन काम माहापुरू हुनचो सेवा चो बाटले दुसर जातिमन ने करू रलो, गोटक-गोटक करून सपाय सांगला।

प्रेरितो 28:14

हुता आमके भाई मिरला, आउर हुनमन चो बोलतो के आमी हुनमन चो थाने सात दिन तक रलु; आउर ऐई रीति ले आमी रोम बाटे गेलु।

रोमियो 1:12

बल्लोने ऐ कि जिदलदाय मय तुमचो मंजी ने होयें, तेबे आमी हुन बिश्वास चो बाटले जोन मोचो ने आउर तुमचो ने आसे, गोटक दुसर ले होसला पाऊँ।

रोमियो 11:25

हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

रोमियो 7:1

हे भाईमन, काय तुमी नी जानास मय नियम चो जानतो बितामन ले बलेंसें कि जिदलदाय ले माने जीव रऊ आय, हुलदाय ले हुनचो उपरे नियम चो जय रऊ आय?

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

1 कुरिन्थियो 10:1

हे भाईमन, मय नी चाहायें कि तुमी ऐ गोठ ले अनजान राआ कि आमचो सपाय बुआ दादीमन बादरी चो खाले रवत, आउर सपाय चो सपाय समुन्द चो मंजी ले पार होऊन गेला;

1 कुरिन्थियो 12:1

हे भाईमन, मय नी चाहायें कि तुमी आत्मिक बरमन चो बारे ने अनजान राहा।

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

1 कुरिन्थियो 9:2

अगर मय दुसरमन चो काजे पठालोबिता नुआय, तेबले बले तुमचो काजे तो आंय; कसनबल्लोने तुमी परबु ने मचो पठालो बिती थाने छाप आहास।

2 कुरिन्थियो 1:8

हे भाईमन आमी नी चाहाऊं कि तुमी आमचो हुन कलेश ले अनजान राआ जोन आसिया ने आमचो उपरे पढ़ली; आमी असन खुबे बोजा ले चेपाय होऊन रऊं, जोन आमचो सामरत ले बाहरे रये, ऐ थानले कि आमी जीवना ले बले हाथ धोऊन बसु रलु।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

गलातियो 3:15

हे भाईमन, मय माने चो रीति थाने बलें सें; माने चो बायदा बले जोन पक्का होऊन जाऊ आय, तेबे ना कोनी हुनके नी टालु आय आउर ना हुन थाने काई बड़ाऊ आय।

गलातियो 6:18

हे भाईमन, आमचो परबु ईशु मसीह चो अनुग्रह तुमचो आत्मा चो संगे रओ। आमीन।

फिलिप्पियो 1:22

मान्तर अगर देंह ने जीव रतोर ची मोचो काम काजे फायदा देऊ आय तेबे मय नी जाने कि कोन के चुनेंदें।

फिलिप्पियो 4:17

ऐ नाई कि मय दान चाहायें से मान्तर मय असन फल चाहाऊं आंय जोन तुमचो फायदा चो काजे बड़ते जाओ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1 थिस्सलुनीकियो 2:18

ऐईकाजे आमी (बल्लोने मय पौलुस) गोटक हार नाई मान्तर दुयहार तुमचो लगे ऐऊक चाह ले, मान्तर शयतान आमके ठेबाऊन रलो।

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

2 थिस्सलुनीकियो 2:7

कसनबल्लोने अधरम चो भेद ऐबे बले काम करते जाऊ आय, मान्तर ऐबे गोटक ठेबातो बिता आसे, आउर जिदलदाय ले हुन लापी नी होऊन जाए हुन ठेबाऊन रयदे।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।