प्रकाशितवाक्य 7:15 - Halbi

¹⁵ ऐई लागुन हुनमन माहापुरू चो सिंघासन चो पुरे आसोत, आउर हुनचो मंदिर ने दिन रात हुनचो सेवा करू आत, आउर जोन सिंघासन थाने बसलो से, हुन हुनमन चो उपरे आपलो तम्बू तानेदे।

परमेस्वर को सच्चो वचन ख जाननू

¹⁵ एको लाने ही वी परमेस्वर को सिंहासन को जोने हैं अर ओको मन्दिर म दिन रात सेवा करा हैं, अऊर जो सिंहासन पा बठो हैं, उ उनको ऊपर अपनो तम्मू तानेगो।

प्रकाशितवाक्य 7:15 Iomraidhean Croise

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

प्रकाशितवाक्य 11:19

तेबे माहापुरू चो जोन मंदिर सरग ने आसे हुन उगाढ़ा गेली, आउर हुनचो मंदिर ने हुनचो बायदा चो सन्दूक दका दिली; आउर बिजलीमन आउर शब्द आउर गरजन आउर भुकम होली आउर बड़े गोला पड़ली।

प्रकाशितवाक्य 13:6

हुन माहापुरू चो निन्दा करतो काजे मुंह खोललो कि हुनचो नाव आउर हुनचो तम्बू बल्लोने सरग चो रतो लोगमन चो निन्दा करो।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 21:22

मय हुन थाने कोनी मंदिर नी दकले, कसनबल्लोने सर्वशक्तिमान परबु माहापुरू आउर मेमना हुनचो मंदिर आत।

प्रकाशितवाक्य 22:3

फेर सराप नी होये दे, आउर माहापुरू आउर मेमना चो सिंघासन हुन नंगर ने होये दे आउर हुनचो दास हुनचो सेवा कर दे।

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

प्रकाशितवाक्य 4:8

चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,