प्रकाशितवाक्य 6:16 - Halbi

¹⁶ “आउर डोंगरीमन आउर बड़े-बड़े पोकना मन के बोलुक मुरयाला, आमचो उपरे घसरुन पड़ा; आउर आमके हुनचो मुंह ले जोन सिंघासन थाने बसलो से, आउर मेमना चो परकोप ले लुकाहा।”

परमेस्वर को सच्चो वचन ख जाननू

¹⁶ अऊर पहाड हुन अर चट्ठान हुन से कहन लग गया, “हम पा गिरो; अऊर हम का ओको मुंडो से जो सिंहासन पा बठो हैं, अऊर मेम्ना को घुस्सा से बचा लेव।

प्रकाशितवाक्य 6:16 Iomraidhean Croise

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मरकुस 3:5

हुन हुनमन चो मन चो कटर ले मुरमुरा होऊन भाती, हुनमन के रिस ले चारो बाटे दकलो, आउर हुन माने ले बल्लो, “आपलो हाथ लमाव।” हुन लमालो, आउर हुनचो हाथ अच्छा होली।

लूका 23:30

हुन समया ‘हुनमन डोंगरीमन ले बोलुक मुरयादे कि आमचो उपरे घसरा, आउर ढिपकामन ले कि आमके ढ़ापुन संगाहा।’

प्रकाशितवाक्य 10:6

आउर जोन जुग-जुग जीव आसे, आउर जोन सरग के आउर जोन काई हुन थाने आसे, आउर धरतनी के आउर जोन काई हुन थाने आसे, आउर समुन्द के आउर जोन काई हुन थाने आसे बनालो, हुनचेई किरिया खाऊन भाती बल्लो, “अदायं तो आउर बेर नी होये।”

प्रकाशितवाक्य 19:15

जाति-जाति के मारतो काजे हुनचो मुंह ले गोटक चोखा तलवार निकरू आय। हुन लुआ चो राज बड़गी धरून भाती हुनमन उपरे राज करे दे, आउर सर्वशक्तिमान माहापुरू चो भयंकर रिस चो जलजलाहट चो मन्द चो खोदरा ने दाख लगडे़ दे।

प्रकाशितवाक्य 20:11

फेर मय गोटक बड़े पंडरी सिंघासन आउर हुनके, जोन हुन थाने बसलो से, दकले; हुनचो पुरे ले धरतनी आउर बादरी पराला, आउर हुनमन चो काजे जगा नी मिरली।

प्रकाशितवाक्य 4:2

तुरते मय आत्मा ने ईले; आउर काय दकेंसे कि गोटक सिंघासन सरग ने संगालो से, आउर हुन सिंघासन थाने कोनी बसलो से।

प्रकाशितवाक्य 4:5

हुन सिंघासन थानले बिजलीमन आउर गरजन निकरेसे आउर सिंघासन चो पुरे आईग चो सात दियामन जरेसे, हुनमन माहापुरू चो सात आत्मामन आत,

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 5:1

जोन सिंघासन थाने बसुन रये, मय हुनचो उजा हाथ ने गोटक किताब दकले जोन भीतरे आउर बाहरे लिकलोर रली, आउर हुन सात सील लगाऊन भाती बन्द करा जाऊ रये।

प्रकाशितवाक्य 6:10

हुनमन बड़े जोर ले हाग देऊन भाती बल्ला, “हे मालिक, हे पवितर आउर सत; तुय केबे ले नियाय नी करसे? आउर धरतनी चो रतो बितामन ले आमचो लऊ चो पलटा केबे ले नी धरसे?”

प्रकाशितवाक्य 9:6

हुन दिनमन ने माने मरना के डगरादे आउर नी पावदे; आउर मरतोर इच्छा करदे, मरना हुनमन ले परायदे।