प्रकाशितवाक्य 6:10 - Halbi

¹⁰ हुनमन बड़े जोर ले हाग देऊन भाती बल्ला, “हे मालिक, हे पवितर आउर सत; तुय केबे ले नियाय नी करसे? आउर धरतनी चो रतो बितामन ले आमचो लऊ चो पलटा केबे ले नी धरसे?”

परमेस्वर को सच्चो वचन ख जाननू

¹⁰ उनना बडी जोर से आवाज लगा ख कय्हो, “अरे मालीक, अरे सुध्द अर सच; तू कब लक न्याय नी करन को? अर जमीन का रहन वाला से हमरो खून को बदला कब लक नी लेन को?”

प्रकाशितवाक्य 6:10 Iomraidhean Croise

लूका 2:29

“हे मालिक, अदायं तुय आपलो दास के आपलो बचन चो अनुसार शान्ति ले बिदा करून देस,

लूका 21:22

कसनबल्लोने ऐ पलटा धरतोर असन दिन होये दे, जोन थाने लिकलोर सपाय गोठमन पुरा होऊन जाये दे।

रोमियो 12:19

हे लाड़रामन, पलटा नी धरा, मान्तर माहापुरू के रीस चो मवका दिआस, कसनबल्लोने लिकलोर आसे, “पलटा धरतोर मोचो काम आय, परबु बले से मय ची पलटा देयें दें।”

इब्रानियो 12:24

आउर नवा बायदा चो मंजारे ईशु आउर छिंचलोर हुन लऊ चो लगे ईलासास, जोन हाबिल चो लऊ ले बड़ीया गोठमन बोलु आय।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

प्रकाशितवाक्य 11:18

जातिमन रीस करला, मान्तर तुचो परकोप ऐऊन पड़ली, आउर हुन समया ऐऊन पहुँचली से कि मरलो बितामन चो नियाय करा जाओ, आउर तुचो दास अगम गिआनीमन आउर पवितर लोगमन के आउर हुन नानी-बड़ेमन के जोन तुचो नाव ले डरू आत पलटा दिया जाओ, आउर धरतनी चो नशातो बितामन नाश करा जाओत।”

प्रकाशितवाक्य 18:20

हे सरग, आउर हे पवितर लोगमन, आउर पठालोबितामन, आउर अगम गिआनीमन, हुनचो उपरे हरिक करा, कसनबल्लोने माहापुरू नियाय करून हुनचो ले तुमचो पलटा धरलो से!”

प्रकाशितवाक्य 18:24

अगम गिआनीमन आउर पवितर लोगमन, आउर धरतनी थानो सपाय घात करलो बितामन चो लऊ हुनी थाने पाया गेली।”

प्रकाशितवाक्य 19:2

कसनबल्लोने हुनचो निरनय सत आउर ठीक आय। हुन-हुन बड़े बेश्या चो, जोन आपलो बेबीचार ले धरतनी के भ्रष्ट करते रली, नियाय करलो आउर हुनचो ले आपलो दासमन चो लऊ चो पलटा धरलो।”

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”