प्रकाशितवाक्य 5:8 - Halbi

⁸ जिदलदाय हुन किताब के धरलो, तेबे हुन चारो परानी आउर चोबिसों सियानमन हुन मेमना चो पुरे घसरुन पढ़ला। हुनमन थानले हरकोनी चो हाथ ने बीणा आउर धुप, जोन पवितर लोगमन चो पारथनामन आय, ले भरलो बिती सोना चो बटका रवत।

परमेस्वर को सच्चो वचन ख जाननू

⁸ जब ओ न किताब ले लियो, ते वी चारी जीव अर चोबीस सियाना हुन उ मेम्ना को जोने गिड पडिया। ओमा से हर एक को हात म वीणा अऊर धूप, जो सुध्द अदमी हुन कि बिनती हुन हैं, बिनती से भरिया वाला सोना का कटोरा हुन हता।

प्रकाशितवाक्य 5:8 Iomraidhean Croise

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

इब्रानियो 1:6

आउर जिदलदाय पयलवात के जगत ने फेर आने से, तेबे बले से, “माहापुरू चो सपाय सरगदूत हुनके पाँय पड़ोत।”

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 15:2

तेबे मय आईग मिललो बिती कांच चो असन गोटक समुन्द दकले; आउर जोन लोग हुन पशु थाने आउर हुनचो मुरती थाने आउर हुनचो नाव चो नम्बर थाने जयवन्त होऊ रवत, हुनमन के हुन कांच चो समुन्द चो लगे माहापुरू चो बीणामन के धरून भाती उबा दकले।

प्रकाशितवाक्य 15:7

तेबे हुन चारो परानीमन थानले गोटक हुन सात सरग दूतमन के माहापुरू, जोन जुग-जुग जीव आसे, रीस ले भरलो बिती सोना चो सात बटकामन दिला;

प्रकाशितवाक्य 19:4

तेबे चोबिसों सियानमन आउर चारो परानीमन घसरुन भाती माहापुरू के पाँय पढ़ला, जोन सिंघासन थाने बसुन रये, आउर बललो, “आमीन! हाल्लेलुय्याह!”

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

प्रकाशितवाक्य 4:6

आउर हुन सिंघासन चो पुरे माना बिल्लोर चो समान कांच चो असन समुन्द आसे। सिंघासन चो मन्जारे आउर सिंघासन चो चारो बाटे चार परानी आसोत, जेचो पुरे पाटे आँईक ची आँईकमन आसे।

प्रकाशितवाक्य 4:8

चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”

प्रकाशितवाक्य 5:11

जिदलदाय मय दकले, तेबे हुन सिंघासन आउर हुन परानीमन आउर हुन सियानमन चो चारो बाटे खुबे असन सरग दूतमन चो शब्द सुनले, जेचो गेनती लाखो आउर करोड़ो चो रली,

प्रकाशितवाक्य 5:12

आउर हुनमन जोर ले बोलते रवत, “पुजा करलो बिती मेमना ची सामरत आउर धन आउर गिआन आउर शक्ति आउर ईजीत आउर महिमा आउर धन्यबाद चो लायक आय!”

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।

प्रकाशितवाक्य 6:1

फेर मय दकले कि मेमना हुन सात सीलमन ले गोटक के खोललो; आउर हुन चारो परानीमन ले गोटक चो गरजलो असन शब्द सुनलो, “आव!”