प्रकाशितवाक्य 5:13 - Halbi

¹³ फेर मय सरग ने आउर धरतनी थाने आउर धरतनी चो खाले आउर समुन्द चो सपाय बनालो बिती तीजमन के, आउर सपाय काई के जोन हुनमन थाने आसे, ऐ बोलते सुनले, “जोन सिंघासन थाने बसलो से हुनचो आउर मेमना चो धन्यबाद आउर ईजीत आउर महिमा आउर राज जुग-जुग रओ!”

परमेस्वर को सच्चो वचन ख जाननू

¹³ फिर मीना स्वर्ग म अर जमीन म अऊर जमीन को नीचू अर समुंदर कि सब रची वाली चीज हुन ख, अर सब कुछ ख जो उनमा हैं, असो कहते सुनियो, “जो सिंहासन पा बठो हैं ओको अर मेम्ना को धन्यवाद अर इज्जत अऊर बड़ाई अर राज्य हमेसा-हमेसा रैय!”

प्रकाशितवाक्य 5:13 Iomraidhean Croise

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

लूका 2:14

“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

रोमियो 11:36

कसनबल्लोने हुनचो बाटले, आउर हुनचेई कारन, आउर हुनचेई काजे सपाय काई आय: हुनचो महिमा जुग-जुग होते रओ। आमीन।

रोमियो 16:27

हुनी गोटक मात्र अकल बिता माहापुरू चो ईशु मसीह चो दुवारा जुग-जुग महिमा होते रओ। आमीन।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

इफिसीयो 3:21

कलीसिया ने आउर मसीह ईशु ने हुनचो महिमा पीढ़ी ले पीढ़ी तक जुग-जुग होते रओ। आमीन।

फिलिप्पियो 2:10

कि जोन सरग ने आउर धरतनी थाने आउर धरतनी चो खाले आसे, हुनमन सपाय ईशु चो नाव थाने मांडी टेक दे;

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

1तीमुथियुस 4:16

आपलो आउर आपलो उपदेश के तिआर संगाऊन। ऐ गोठमन थाने थीर रा, कसनबल्लोने अगर असन करते रसे तो तुय आपलो आउर आपलो सुनतो बितामन चो काजे बले मुक्ति चो कारन होसे।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

1 पतरस 5:11

हुनचेई राजपाट जुग-जुग रओ। आमीन।

यहूदा 1:25

हुनी गोटक मात्र माहापुरू आमचो मुक्तिकरू चो महिमा आउर मान-समान आउर बल आउर अधिकार, आमचो परबु ईशु मसीह चो दुवारा जसन पिढ़ी-पिढ़ी ले आसे, ऐबे बले होओ आउर जुग-जुग रओ। आमीन।

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 5:1

जोन सिंघासन थाने बसुन रये, मय हुनचो उजा हाथ ने गोटक किताब दकले जोन भीतरे आउर बाहरे लिकलोर रली, आउर हुन सात सील लगाऊन भाती बन्द करा जाऊ रये।

प्रकाशितवाक्य 5:12

आउर हुनमन जोर ले बोलते रवत, “पुजा करलो बिती मेमना ची सामरत आउर धन आउर गिआन आउर शक्ति आउर ईजीत आउर महिमा आउर धन्यबाद चो लायक आय!”

प्रकाशितवाक्य 5:3

मान्तर ना सरग ने, ना धरतनी थाने, ना धरतनी चो खाले कोनी हुन किताब के खोलतोर नाहले हुन थाने नजर डालतोर लायक निकरला।

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,

प्रकाशितवाक्य 6:16

“आउर डोंगरीमन आउर बड़े-बड़े पोकना मन के बोलुक मुरयाला, आमचो उपरे घसरुन पड़ा; आउर आमके हुनचो मुंह ले जोन सिंघासन थाने बसलो से, आउर मेमना चो परकोप ले लुकाहा।”