प्रकाशितवाक्य 4:4 - Halbi

⁴ हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

परमेस्वर को सच्चो वचन ख जाननू

⁴ उ सिंहासन को चारी तरफ चोबीस सिंहासन हैं; अर यी सिंहासन हुन पा चोबीस पुराना सियाना सुरता सुपेत कपड़ा पहिन ख बठिया हैं, अर उनकी मुंडी पर सोना का मुकुट हैं।

प्रकाशितवाक्य 4:4 Iomraidhean Croise

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

लूका 22:30

बल्ले तुमी मोचो राज ने मोचो टेबुल थाने खाआ-पिआ, मान्तर सिंघासनमन थाने बसुन भाती इस्राएल चो बारा गोत्रमन चो नियाय करा।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

प्रकाशितवाक्य 11:16

तेबे चोबिसों सियान जोन माहापुरू चो पुरे आपलो-आपलो सिंघासन थाने बसुन रवत, पाटा पडुन भाती माहापुरू के पाँय पडुन

प्रकाशितवाक्य 14:3

हुनमन सिंघासन चो पुरे आउर चारो परानीमन आउर सियानमन चो पुरे गोटक नवा गीत गावते रवत। हुनमन एक लाख चवालीस हजार जनमन के छांडुन, जोन धरतनी थानले घेना जाऊ रवत, कोनी हुन गीत नी सिकुक सकते रवत।

प्रकाशितवाक्य 19:14

सरग चो पलटन पंडरा घोड़ामन थाने चेगुन आउर पंडरा आउर शुद्ध मलमल पिन्दुन भाती हुनचो पाट-पाट आसोत।

प्रकाशितवाक्य 19:4

तेबे चोबिसों सियानमन आउर चारो परानीमन घसरुन भाती माहापुरू के पाँय पढ़ला, जोन सिंघासन थाने बसुन रये, आउर बललो, “आमीन! हाल्लेलुय्याह!”

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 3:18

“ऐईकाजे मय तुके सहमती देयेंसे कि आईग ने तपालो बिती सोना मोचो ले घेन कि तुय धनी होऊन जा, आउर पंडरी फटीई धर कि पिन्दुन भाती तुके आपलो ढुमढापन चो लाज नी होओ, आउर आपलो आँईकमन ने लगातो काजे सुरमा धर कि तुय दकुक सक।”

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

प्रकाशितवाक्य 4:6

आउर हुन सिंघासन चो पुरे माना बिल्लोर चो समान कांच चो असन समुन्द आसे। सिंघासन चो मन्जारे आउर सिंघासन चो चारो बाटे चार परानी आसोत, जेचो पुरे पाटे आँईक ची आँईकमन आसे।

प्रकाशितवाक्य 5:11

जिदलदाय मय दकले, तेबे हुन सिंघासन आउर हुन परानीमन आउर हुन सियानमन चो चारो बाटे खुबे असन सरग दूतमन चो शब्द सुनले, जेचो गेनती लाखो आउर करोड़ो चो रली,

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।

प्रकाशितवाक्य 5:8

जिदलदाय हुन किताब के धरलो, तेबे हुन चारो परानी आउर चोबिसों सियानमन हुन मेमना चो पुरे घसरुन पढ़ला। हुनमन थानले हरकोनी चो हाथ ने बीणा आउर धुप, जोन पवितर लोगमन चो पारथनामन आय, ले भरलो बिती सोना चो बटका रवत।

प्रकाशितवाक्य 6:11

हुनमन थानले हरकोनी के पंडरा फटीई दिया गेली, आउर हुनमन के बोला गेली कि आउर डण्डिक आराम करा, जिदलदाय ले कि तुमचो संगवारी दास आउर भाई जोन तुमचो असन पुजाय होतो बिता आत हुनमन चो बले गेनती पुरा नी होओ।

प्रकाशितवाक्य 7:11

आउर सपाय सरगदूत हुन सिंघासन आउर सियानमन आउर चारो परानीमन चो चारो बाटे उबा आसोत; फेर हुनमन सिंघासन चो पुरे पाटा पडुन घसरुन पढ़ला आउर माहापुरू के पाँय पडुन भाती बल्ला,

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,

प्रकाशितवाक्य 9:7

हुन थापामन चो कट लड़ीई चो काजे तिआर करलोर घोड़ामन असन रवत, आउर हुनमन चो मुण्डमन थाने माना सोना चो मुकुट रये; आउर हुनमन चो मुंह मानेमन चो असन रये।