प्रकाशितवाक्य 4:10 - Halbi

¹⁰ तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

परमेस्वर को सच्चो वचन ख जाननू

¹⁰ तब चोबीस सियाना प्राचीन सिंहासन पा बठन वालो को जोने गिढ पडेगो, अर ओखा जो हमेसा-हमेसा जिन्दो हैं, पाय पडेगो, अऊर वी अपनो-अपनो मुकुट सिंहासन को जोने यू कहते डाल देहे,

प्रकाशितवाक्य 4:10 Iomraidhean Croise

मत्ती 2:11

आउर हुन घर ने अमरून भाती हुन पिला के हुनचो आया मरियम चो संगे दकला, आउर पाटा पडुन भाती पिला के जुहार करला, आउर आपलो-आपलो थयला खोलुन भाती हुनके सोना, आउर लोबान, आउर बास बिती तेल चो भेट चेगाला।

लूका 24:52

तेबे हुनमन हुनके पाँय पडुन बड़े हरिक ले यरूशलेम ने फिरून गेला;

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

प्रकाशितवाक्य 10:6

आउर जोन जुग-जुग जीव आसे, आउर जोन सरग के आउर जोन काई हुन थाने आसे, आउर धरतनी के आउर जोन काई हुन थाने आसे, आउर समुन्द के आउर जोन काई हुन थाने आसे बनालो, हुनचेई किरिया खाऊन भाती बल्लो, “अदायं तो आउर बेर नी होये।”

प्रकाशितवाक्य 11:16

तेबे चोबिसों सियान जोन माहापुरू चो पुरे आपलो-आपलो सिंघासन थाने बसुन रवत, पाटा पडुन भाती माहापुरू के पाँय पडुन

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 15:7

तेबे हुन चारो परानीमन थानले गोटक हुन सात सरग दूतमन के माहापुरू, जोन जुग-जुग जीव आसे, रीस ले भरलो बिती सोना चो सात बटकामन दिला;

प्रकाशितवाक्य 19:4

तेबे चोबिसों सियानमन आउर चारो परानीमन घसरुन भाती माहापुरू के पाँय पढ़ला, जोन सिंघासन थाने बसुन रये, आउर बललो, “आमीन! हाल्लेलुय्याह!”

प्रकाशितवाक्य 4:2

तुरते मय आत्मा ने ईले; आउर काय दकेंसे कि गोटक सिंघासन सरग ने संगालो से, आउर हुन सिंघासन थाने कोनी बसलो से।

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।

प्रकाशितवाक्य 5:8

जिदलदाय हुन किताब के धरलो, तेबे हुन चारो परानी आउर चोबिसों सियानमन हुन मेमना चो पुरे घसरुन पढ़ला। हुनमन थानले हरकोनी चो हाथ ने बीणा आउर धुप, जोन पवितर लोगमन चो पारथनामन आय, ले भरलो बिती सोना चो बटका रवत।

प्रकाशितवाक्य 7:11

आउर सपाय सरगदूत हुन सिंघासन आउर सियानमन आउर चारो परानीमन चो चारो बाटे उबा आसोत; फेर हुनमन सिंघासन चो पुरे पाटा पडुन घसरुन पढ़ला आउर माहापुरू के पाँय पडुन भाती बल्ला,