प्रकाशितवाक्य 3:11 - Halbi

¹¹ “मय झटके ऐतो बिता आंय; जोन काई तुचो लगे आसे हुनके थामुन रा कि कोनी तुचो मुकुट झिकुन नी धरो।”

परमेस्वर को सच्चो वचन ख जाननू

¹¹ मी तुरत ही आन वालो हैं; जो कुछ तोरो जोने हैं ओखा पकढ़ ख रख कि कोई तोरो मुकुट छुडा नी ले।

प्रकाशितवाक्य 3:11 Iomraidhean Croise

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

फिलिप्पियो 4:5

तुमचो कोमलता सपाय मानेमन उपरे परकट होओ। परबु लगे आसे।

2 तीमुथियुस 2:5

फेर लड़ीई होतो जगा ने लड़तो बिता अगर नियम चो अनुसार नी लड़े तो मुकुट नी पाये।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 5:9

हे भाईमन, गोटक दुसर उपरे दोष नी लगाहा, बल्ले तुमी दोषी नी ठेबा; दका, हाकिम दुआर थाने उबा आसे।

प्रकाशितवाक्य 1:3

धन्य आय हुन जोन ऐ अगम गिआन चो बचन के पढु आय, आउर हुनमन जोन सुनु आत आउर ऐ थाने लिकलो बिती गोठमन के मानु आत; कसनबल्लोने समया लगे आसे।

प्रकाशितवाक्य 16:15

“दक, मय चोर चो असन ऐऊ आय; धन्य हुन आय जोन चेता रऊ आय, आउर आपलो फटीई चो राका करू आय कि बिन फटीई नी फिरो, आउर लोग हुनचो ढुमढ़ापन नी दकोत।”

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 2:25

“मान्तर हव, जोन तुमचो लगे आसे हुनके मोचो ऐओत ले थामुन राहा।”

प्रकाशितवाक्य 22:12

“दक, मय झटके ऐतो बिता आय; आउर हरकोनी चो काम चो अनुसार पलटा देतो काजे करलो फल मोचो लगे आसे।

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 22:7

“दक, मय झटके ऐतो बिता आय! धन्य आय हुन, जोन ऐ किताब चो अगम गोठ चो गोठमन मानु आय।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।