प्रकाशितवाक्य 22:17 - Halbi

¹⁷ आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”

परमेस्वर को सच्चो वचन ख जाननू

¹⁷ आत्मा अर दुलन दोई कहाँ हैं, “आ!” अर सुनन वालो भी बोले, “आ!” जोका प्यास लगी होय उ आय, अर जो ख लगा हैं जीवन को पानी फिरी म ले।

प्रकाशितवाक्य 22:17 Iomraidhean Croise

यूहन्ना 1:37

तेबे हुनमन दुनो चेलामन हुनचो ऐ सुनुन भाती ईशु चो पाटे होला।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:11

बायले लेकी हुनचो ले बल्ली, “हे परबु, तुचो लगे पानी भरतो काजे तो काई आसे बले नाई आउर चुंआ गड़ीयां आसे; तेबे फेर हुन जीवना चो पानी तुचो लगे काहां ले ईली?

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 4:29

“ईआ, गोटक माने के दका, जोन सपाय काई जोन मय करले मोके सांगुन दिलो। काय ऐ तो मसीह नुआय?”

यूहन्ना 7:37

परब चो आखरी दिन, जोन मुख्य दिन आय, ईशु उबा होलो आउर हाग देऊन भाती बल्लो, “अगर कोनी प्यासा आसे तेबे मोचो लगे ऐओ आउर पिओ।

रोमियो 3:24

मान्तर हुनचो अनुग्रह ले हुन छुटकारा चो बाटले जोन मसीह ईशु ने आसे, सेंत मेंत धरमी ठेबाय जाऊ आत।

1 कुरिन्थियो 2:12

मान्तर आमीमन ने संवसार चो आत्मा नाई, मान्तर हुन आत्मा पावलु से जोन माहापुरू चो बाटले आय कि आमी हुन गोठमन के जानु जोन माहापुरू आमके दिलो से।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 21:2

“फेर मय पवितर नंगर नवा यरूशलेम के सरग ले माहापुरू चो लगले उतरतोर दकले। हुन-हुन दुली चो असन रली जोन आपलो मुनुक चो काजे सिंगार करलोर रओ।”

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”

प्रकाशितवाक्य 21:9

फेर जोन सात सरग दूतमन चो लगे सात आखरी बिपत्तिमन ले भरलो बिती सात बटकामन रये, हुन थानले गोटक मोचो लगे ईलो, आउर मोचो संगे गोठयाऊन बल्लो, “ऐ घाई आव, मय तुके दुली बल्लोने मेमना चो बायले दकायें दें।”

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 7:17

कसनबल्लोने मेमना जोन सिंघासन चो मंजी ने आसे हुनमन चो राका करेदे, आउर हुनमन के जीव रूपी पानी चो सतानमन चो लगे धरून नेयेदे; आउर माहापुरू हुनमन चो आँईकमन ले सपाय आँसु फुछुन देयदे।