प्रकाशितवाक्य 22:16 - Halbi

¹⁶ “मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

परमेस्वर को सच्चो वचन ख जाननू

¹⁶ मी खुद यीसु न अपनो स्वर्गदूत ख एकोलाने भेज्यो कि तुमरो आगु कलेसिया हुन को बारे म असी बात हुन की गवाही दे। मी दाऊद को मूल अर वंस, अर भुसारो को चमकन वालो तारा आय।

प्रकाशितवाक्य 22:16 Iomraidhean Croise

मत्ती 1:1

अब्राहाम चो पिला, दाऊद चो पिला, ईशु मसीह चो बंसावली।

मत्ती 2:2

“यहूदिमन चो राजा जेचो जनम होली से, काहां आसे? कसनबल्लोने आमीमन बेर उदानी बाटे हुनचो तारा दकलु से आउर हुनके लोऊन भाती जुहार करूक ईलुसे।”

मत्ती 22:42

“मसीह चो बारे ने तुमी काय बिचारे सास? हुन काचो बेटा आय?” हुनमन हुनचो ले बल्ला, “दाऊद चो।”

मत्ती 22:45

अच्छा, जिदलदाय दाऊद हुनके परबु बोलु आय, तेबे हुन हुनचो बेटा कसन ठेबलो?”

लूका 1:78

ऐ आमचो माहापुरू चो हुनी बड़े करूना ले होयेदे; जेचो लागुन बादरी ले आमचो उपरे बिहान चो उजर उदय होयेदे,

लूका 20:44

दाऊद तो हुनके परबु बोलु आय; तेबे फेर हुन हुनचो बेटा कसन ठेबलो?”

रोमियो 15:12

आउर फेर यशाया बले से, “यिशै चो गोटक चेर उजागर होयेदे, आउर दुसर जातिमन चो राजा होतो काजे गोटक उठे दे, हुनचो थाने दुसरजातिमन आशा संगा दे।”

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

2 पतरस 1:19

आमचो लगे जोन अगम गिआनीमन चो बचन आसे, हुन ऐ घटना ले जमखम ठेबली। तुमी ऐ अच्छा करेसास जोन ऐ समजुन भाती हुन उपरे धिआन करू आस कि हुन गोटक दीया आय, जोन अंधार जगा ने हुन समया ले उजर देते रऊ आय जिदलदाय ले कि बिहान नी होये आउर बड़े बिहान चो तारा तुमचो मन-मन ने नी बरे।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती

प्रकाशितवाक्य 22:11

“जोन अनियाय करू आय, हुन अनियाय ची करते रओ, आउर जोन मईल आय, हुन मईल बुनुन रओ; आउर जोन धरमी आय, हुन धरमी बुनुन रओ; आउर जोन पवितर आय; हुन पवितर बनुन रओ।”

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”

प्रकाशितवाक्य 3:13

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 3:22

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 3:6

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 5:5

ऐ थाने हुन सियानमन ले गोटक मोचो ले बल्लो, “नी गाग; दक, यहूदा चो कुल चो हुन डुरका जोन दाऊद चो मुल आय, हुन किताब के खोलतोर आउर हुनचो सातो सीलमन के टुटातो काजे जयवन्त होलो से।”