प्रकाशितवाक्य 22:14 - Halbi

¹⁴ “धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”

परमेस्वर को सच्चो वचन ख जाननू

¹⁴ धन्य वी हैं, जो अपना कपड़ा धो लेवा हैं, काहेकि उनका जीवन को झाड़ को जोने आन को अधिकार मीलेगो, अर वी फाटक से होका सहर म भीतर जाएगो।

प्रकाशितवाक्य 22:14 Iomraidhean Croise

यूहन्ना 10:7

तेबे ईशु हुनमन ले फेर बल्लो, “मय तुमचो ले सत-सत बलें सें, मेंडामन चो बाट मय आंय।

यूहन्ना 10:9

बाट मय आंय; अगर कोनी मोचो बाटले भीतरे ओलदे, तो मुक्ति पाये दे, आउर भीतरे बाहरे ईआर जाआर करे दे आउर चारा पाये दे।

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 4:12

काय तुय आमचो बुआ याकूब ले बड़े आस, जोन आमके ऐ चुंआ दिलो; आउर खुदे ची आपलो पिलामन, आउर आपलो पशुमन संगे ऐ थाने ले पिवलो?”

1 कुरिन्थियो 7:19

ना खतना काई आय आउर ना बिन खतना, मान्तर माहापुरू चो हुकुममन के मानतोर ची सपाय काई आय।

1 कुरिन्थियो 8:9

मान्तर चेत ने राहा! असन नी होओ कि तुमचो ऐ छुटछाड़ा काहांय कमजोरमन चो काजे ठोकरना चो कारन होऊन जाओ।

1 कुरिन्थियो 9:5

काय आमके ऐ अधिकार निआय, कि कोनी मसीह भईन चो संगे बिहा करून हुनचो काजे फिरो, जसन दुसर पठालोबिता आउर परबु चो भाई आउर कयफा बोलु आत?

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।

1यूहन्ना 5:3

कसनबल्लोने माहापुरू ले मया संगातोर ऐ आय कि आमी हुनचो हुकुममन के मानु; आउर हुनचो हुकुममन मशकिल नुआय।

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 21:12

हुनचो बाड़ा बड़े डेंग रली, आउर हुनचो बारा कपाट आउर कपाटमन थाने बारा सरगदूत रवत; आउर हुन कपाटमन थाने इस्राएलीमन चो बारा कुलमन चो नाव लिकलोर रली।

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।

प्रकाशितवाक्य 22:2

हुन नंगर चो सड़क चो मंजीगता बहते रली। लंदी चो ऐ पाट आउर हुनपाट जीवना चो रूक रये; हुन थाने बारा परकार चो फर फरते रये, आउर हुन हर मयना फरते रये; आउर हुन रूक चो पानमन ले जाति-जाति चो लोग चेंगा होते रओत।

प्रकाशितवाक्य 22:7

“दक, मय झटके ऐतो बिता आय! धन्य आय हुन, जोन ऐ किताब चो अगम गोठ चो गोठमन मानु आय।”

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”