प्रकाशितवाक्य 21:3 - Halbi

³ “फेर मय सिंघासन थानले कोनी के बड़े जोर ले ऐ बोलतोर सुनले, दक, माहापुरू चो डेरा मानेमन चो मंजी ने आसे। हुन हुनमन संगे डेरा करे दे, आउर हुनमन हुनचो लोग हो दे, आउर माहापुरू खुद हुनमन संगे रये दे आउर हुनमन चो माहापुरू होये दे।”

परमेस्वर को सच्चो वचन ख जाननू

³ फिर मीना सिंहासन म से कोई ख बड़ी जोर से असो बोलते हुए सुनियो, “देखो, परमेस्वर अदमी हुन को बीच म आयो हैं। उ उनको संग म रहेगो, अर वी ओखा लोग होए, अर परमेस्वर खुद उनको संग म रहेगो अर उनको परमेस्वर होए।

प्रकाशितवाक्य 21:3 Iomraidhean Croise

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

2 कुरिन्थियो 6:18

आउर मय तुमचो बुआ होयेंदें, आउर तुमी मोचो बेटा आउर बेटीमन हुआ से। “ऐ सर्वशक्तिमान परबु माहापुरू चो बचन आय।”

1 थिस्सलुनीकियो 3:11

अदायं आमचो माहापुरू आउर बुआ खुद ची आउर आमचो परबु ईशु, तुमचो थाने ऐतोर आमचो अगवाई करो;

इब्रानियो 11:16

मान्तर हुनमन गोटक बड़ीया बल्लोने सरगर देश चो इच्छुक आत; ऐईकाजे माहापुरू हुनमन चो माहापुरू बलाय जातो ने हुनमन ले नी लाज होये, कसनबल्लोने हुन हुनमन चो काजे गोटक नंगर तिआर करलो से।

इब्रानियो 8:10

फेर परबु बले से, कि जोन बायदा मय हुन दिनमन चो पाचे इस्राएल चो घरलोगमन संगे बान्दे दे, हुन ऐ आय कि मय आपलो नियम के हुनमन चो मन ने भरें दे, आउर हुनके हुनमन चो कारजा थाने लिकेन्दे, आउर मय हुनमन चो माहापुरू ठेबें दे आउर हुनमन मोचो लोग ठेबदे।

इब्रानियो 8:2

आउर पवितर जगा आउर हुन सत तम्बू चो सेवाकरू होलो जेके कोनी मानेमन नाई, मान्तर परबु उबा करलो से।

प्रकाशितवाक्य 10:4

जिदलदाय सातो गरजन चो शब्द सुना दिली, तेबे मय लिकतो थाने रये, मान्तर मय सरग ले ऐ शब्द सुनले, “जोन गोठमन गरजन चो हुन सात शब्दमन ले सुनली सीस हुनमन के गुपत ने संगाव, आउर नी लिक।”

प्रकाशितवाक्य 10:8

जोन शब्द के मय सरग ले बोलतोर सुनुन रये, हुन फेर मोचो संगे गोठयाऊक मुरयालो, “जा, जोन सरगदूत समुन्द आउर धरतनी थाने उबा आसे, हुनचो हाथ थानो खोललो बिती किताब धर।”

प्रकाशितवाक्य 12:10

फेर मय सरग ले ऐ बड़े शब्द ऐतोर सुनले, “अदायं आमचो माहापुरू चो मुक्ति आउर सामरत आउर राज आउर हुनचो मसीह चो अधिकार परकट होलीसे, कसनबल्लोने आमचो भाईमन उपरे दोष लगातो बिता, जोन रात दिन आमचो माहापुरू चो पुरे हुनमन उपरे दोष लगाया करते रलो, घसराऊन दिया गेलोसे।

प्रकाशितवाक्य 21:7

“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”

प्रकाशितवाक्य 22:3

फेर सराप नी होये दे, आउर माहापुरू आउर मेमना चो सिंघासन हुन नंगर ने होये दे आउर हुनचो दास हुनचो सेवा कर दे।

प्रकाशितवाक्य 7:15

ऐई लागुन हुनमन माहापुरू चो सिंघासन चो पुरे आसोत, आउर हुनचो मंदिर ने दिन रात हुनचो सेवा करू आत, आउर जोन सिंघासन थाने बसलो से, हुन हुनमन चो उपरे आपलो तम्बू तानेदे।