प्रकाशितवाक्य 21:23 - Halbi

²³ हुन नंगर ने बेर आउर जोन चो उजर चो जरूरत निआय, कसनबल्लोने माहापुरू चो तेज ले हुन थाने उजर होये से, आउर मेमना हुनचो दीया आय।

परमेस्वर को सच्चो वचन ख जाननू

²³ उ सहर म सूरज अर चन्दा को उजेलो की जरूरत नी हाय, काहेकि परमेस्वर को तेज से ओमा उजेरा हो रयो हैं, अर मेम्ना ओको दिया आय।

प्रकाशितवाक्य 21:23 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 2:32

कि हुन दुसर जातिमन के उजर देतो काजे उजर, आउर तुचो निज लोग इस्राएल चो महिमा होओ।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 1:4

हुन थाने जीव रये आउर हुन जीव मानेमन चो उजर रये।

यूहन्ना 1:9

सत उजर जोन सपाय माने के उजर करू आय, जगत ने ऐतो बिती रये।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

प्रेरितो 22:11

जिदलदाय हुन उजर चो चमक चो लागुन मोके काई दका नी दिली, तेबे मय आपलो संगवारीमन चो हाथ धरून भाती दमिश्क ने ईले।

प्रकाशितवाक्य 14:4

ऐ हुनमन आत जोन बायले लेकीमन चो संगे अशुद्ध नी होला, मान्तर कुंआरा आसोत; ऐ हुनीमन आत कि जोन कोनी थाने मेमना जाऊ आय, हुनमन हुनचो पाटे होऊ आत; ऐ तो माहापुरू चो लागुन पयला फल होतो काजे मानेमन थानले घेना गेला से।

प्रकाशितवाक्य 18:1

ऐचो पाचे मय गोटक सरगदूत के सरग ले उतरतोर दकले, जेके बड़े अधिकार मिरू रये; आउर धरतनी हुनचो तेज ले चमकुन उठली।

प्रकाशितवाक्य 21:11

माहापुरू चो महिमा हुनमन थाने रली, आउर हुनचो उजर खुबे ची बड़े मोल्या पकना, बल्लोने बिल्लोर चो असन यशब चो असन सफाई रली।

प्रकाशितवाक्य 21:25

हुनचो कपाट दिन ने केबीई बन्द नी होये दे, आउर राती हुता नी होये।

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।

प्रकाशितवाक्य 7:17

कसनबल्लोने मेमना जोन सिंघासन चो मंजी ने आसे हुनमन चो राका करेदे, आउर हुनमन के जीव रूपी पानी चो सतानमन चो लगे धरून नेयेदे; आउर माहापुरू हुनमन चो आँईकमन ले सपाय आँसु फुछुन देयदे।