प्रकाशितवाक्य 20:6 - Halbi

⁶ धन्य आउर पवितर हुन आय, जोन ऐ पयला जीव उठतोर चो भागी आय। असन लोगमन थाने दुसर मरना चो काई बल्ले अधिकार निआय, मान्तर हुनमन माहापुरू आउर मसीह चो याजक हो दे आउर हुनचो संगे हजार बरक तक राज कर दे।

परमेस्वर को सच्चो वचन ख जाननू

⁶ धन्य अर सुध्द उ हैं जो यू पहिलो जी उठनो को भागीदार हैं। असा पर दुसरी माऊत को कोई भी अधिकार नी हाय, पर वी परमेस्वर अर मसी ख याजक हुन होए अर ओको संग हजार साल लक राज्य करेगों।

प्रकाशितवाक्य 20:6 Iomraidhean Croise

लूका 14:15

हुनचो संगे भोजन करू बितामन थानले गोटक ऐ गोठमन सुनुन भाती हुनचो ले बल्लो, “धन्य आय हुन जोन माहापुरू चो राज ने रोटी खाये दे।”

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 22:7

“दक, मय झटके ऐतो बिता आय! धन्य आय हुन, जोन ऐ किताब चो अगम गोठ चो गोठमन मानु आय।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 5:10

आउर हुनमन के आमचो माहापुरू चो काजे गोटक राज आउर याजक बनालो; आउर हुनमन धरतनी थाने राज करे सोत।”