प्रकाशितवाक्य 20:2 - Halbi

² हुन-हुन बोड़ासाप, बल्लोने जुना सांप के जोन इबलीस आउर शयतान आय, धरून भाती हजार बरक चो काजे बान्दुन दिलो,

परमेस्वर को सच्चो वचन ख जाननू

² ओ ना उ अजगर, एकोमतलब पुरानो साँप ख, जो इबलीस अर सैतान हैं, पकड़ ख हजार साल को लाने बाँध दियो,

प्रकाशितवाक्य 20:2 Iomraidhean Croise

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 8:29

हुनमन चिचयाऊन भाती बल्ला, “हे माहापुरू चो बेटा, आमचो तुचो ले काय काम? काय तुय समया ले पयले आमके दुक देऊक लाय ऐथा ईली सीस?”

मरकुस 4:15

जोन बाट चो रेटे चो आत जोन थाने बचन बुना जाऊ आय, ऐ हुनमन आत कि जिदलदाय हुनमन सुनला, तेबे शयतान तुरते ऐऊन भाती बचन के जोन हुनमन थाने बुनाय जाऊ रये, उठाऊन जाऊ आय।

मरकुस 5:7

आउर जोर ले चिचयाऊन भाती बल्लो, “हे ईशु, परमपरधान माहापुरू चो बेटा, मोके तुचो ले काय काम? मय तुके माहापुरू चो किरिया देयें सें कि मोके दुक नी देस।”

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

यूहन्ना 16:11

नियाय चो बारे ने ऐईकाजे कि संवसार चो सरदार दोषी ठेबाया गेलो से।”

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।

प्रकाशितवाक्य 12:13

जिदलदाय बोड़ासाप दकलो कि मय धरतनी थाने घसराऊन दिया गेलेसे, तेबे हुन बायले लेकी के जोन पिला जनमाऊ रली, कन्दरालो।

प्रकाशितवाक्य 12:15

आउर सांप हुन बायले लेकी चो पाटे आपलो मुंह ले लंदी चो असन पानी बोहड़ालो कि हुनके ऐ लंदी ले बोहड़ाऊन देओ।

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 12:3

गोटक आउर चिना सरग ने दका दिली; आउर दका, गोटक बड़े लाल बोड़ासाप रये, जेचो सात ठान मुण्ड आउर दस ठान सींग रये, आउर हुनचो मुण्डमन थाने सात ठान राजा चो मुकुट रये।

प्रकाशितवाक्य 12:4

हुनचो लेंगड़ी ने बादरी चो तारामन चो गोटक भाग के झिकुन भाती धरतनी थाने ढ़ारुन दिलो। हुन बोड़ासाप हुन बायले लेकी चो पुरे जोन जनमाते रली, उबा होलो कि जिदलदाय हुन पिला जनमो तेबे हुन पिला के गिरुन जाओ।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:2

जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

प्रकाशितवाक्य 13:4

लोगमन बोड़ासाप चो पुजा करला, कसनबल्लोने हुन पशु के आपलो अधिकार देउन रये, आउर ऐ बोलुन भाती पशु चो पुजा करला, “ऐ पशु चो असन कोन आय? कोन ऐचो ले लडुक सके?”

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:7

जिदलदाय हजार बरक पुरा होऊन जाय दे तेबे शयतान कयद ले छांडुन दिया जाय दे।

प्रकाशितवाक्य 9:11

अन्दकुप खोदरा चो दूत हुनमन थाने राजा रलो; हुनचो नाव इब्रानी ने अबदोन, आउर यूनानी ने अपुल्लयोन आय।