प्रकाशितवाक्य 20:12 - Halbi

¹² फेर मय नानी बड़े सपाय मरलो बितामन के सिंघासन चो पुरे उबा होलोर दकले, आउर किताबमन खोला गेली; आउर फेर गोटक किताब खोला गेली, बल्लोने जीवना चो किताब; आउर जसन हुन किताबमन ने लिकलोर रली, असने ची हुनमन चो काममन चो अनुसार मरलो बितामन चो नियाय करा गेली।

परमेस्वर को सच्चो वचन ख जाननू

¹² फिर मीना छोटा बड़ा सब मरीया वाला ख सिंहासन को जोने खड़ा होते हुए देख्यो, अर किताब खोली गई; अऊर फिर एक अऊर किताब खोली गई, एकोमतलब जीवन कि किताब; अर जसो वी किताब हुन म लिख्यो हतो रहा, वसा ही उनको काम को अनुसार मरीया वाला को न्याय करो गयो।

प्रकाशितवाक्य 20:12 Iomraidhean Croise

मत्ती 11:22

मान्तर मय तुमचो ले बलें सें कि नियाय चो दिने तुमचो हालत ले सूर आउर सयदा चो हालत जादा कटलातो लायक होयदे।

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

लूका 10:20

तेबले बले ऐचो ले खुशी नी हुआ कि आत्मा तुमचो वश ने आसे, मान्तर ऐचो ले खुशी हुआ कि तुमचो नाव सरग ने लिकलोर आसे।”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

रोमियो 2:6

हुन सपाय के हुनचो काममन चो असन पलटा देयेदे।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

फिलिप्पियो 4:3

हे सत सहकरमी, मय तुमचो ले बले गुहार करें से कि तुय हुन बायले लेकीमन चो सायता कर, कसनबल्लोने हुनमन मोचो संगे नगतखबर फयलातो ने, क्लेमेंस आउर मचो दुसर सकरमीमन चो संगे मसागत करला से, जोनमन चो नाव जीवन चो किताब ने लिकलोर आसे।

प्रकाशितवाक्य 11:18

जातिमन रीस करला, मान्तर तुचो परकोप ऐऊन पड़ली, आउर हुन समया ऐऊन पहुँचली से कि मरलो बितामन चो नियाय करा जाओ, आउर तुचो दास अगम गिआनीमन आउर पवितर लोगमन के आउर हुन नानी-बड़ेमन के जोन तुचो नाव ले डरू आत पलटा दिया जाओ, आउर धरतनी चो नशातो बितामन नाश करा जाओत।”

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।

प्रकाशितवाक्य 19:5

तेबे सिंघासन थानले गोटक शब्द निकरली, “हे आमचो माहापुरू ले सपाय डरतो बिता दासमन, काय नानी काय बड़े; तुमी सपाय हुनचो स्तुति करा।”

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”

प्रकाशितवाक्य 20:11

फेर मय गोटक बड़े पंडरी सिंघासन आउर हुनके, जोन हुन थाने बसलो से, दकले; हुनचो पुरे ले धरतनी आउर बादरी पराला, आउर हुनमन चो काजे जगा नी मिरली।

प्रकाशितवाक्य 20:13

समुन्द हुन मरलो बितामन के जोन हुन थाने रवत देऊन दिलो, आउर मरना आउर अधलोक ने हुन मरलो बितामन के जोन हुनमन थाने रवत देऊन दिलो; आउर हुनमन थानले हरकोनी चो काममन चो अनुसार हुनमन चो नियाय करा गेली।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।

प्रकाशितवाक्य 22:12

“दक, मय झटके ऐतो बिता आय; आउर हरकोनी चो काम चो अनुसार पलटा देतो काजे करलो फल मोचो लगे आसे।

प्रकाशितवाक्य 3:5

“जोन जय पावला हुनके असने परकार पंडरा फटीई पिंदादे, आउर मय हुनचो नाव जीवना चो किताब थानले कोनी रीति ले नी काटेंदे; मान्तर हुनचो नाव आपलो बुआ आउर हुनचो सरग दूतमन चो पुरे मानेंदे।”