प्रकाशितवाक्य 2:5 - Halbi

⁵ “ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”

परमेस्वर को सच्चो वचन ख जाननू

⁵ एकोलाने याद कर की तू किते से गिढ़ियो हैं, अर मन ख फिरा अऊर पहले को जसो काम कर। अदि तू मन नी फिरान को ते मी तोरो जोने आ ख तोरी दीवट हुन ख वा जगा से बगल कर देहूँगो।

प्रकाशितवाक्य 2:5 Iomraidhean Croise

मत्ती 5:14

तुमी जगत चो उजर आस। जोन नंगर डोंगरी थाने बसलोर आसे हुन लुकुक नी सके।

मत्ती 5:15

आउर लोग दीया जराऊन भाती पयमाना चो खाले नाई मान्तर दिवट थाने संगाऊ आत, तेबे हुनचो ले घर चो सपाय लोगमन के उजर अमरू आय।

मरकुस 12:9

“ऐईकाजे दाख चो बनवाड़ी चो मालिक काय करे दे? हुन ऐऊन भाती हुन किसानमन के नाश करे दे, आउर दाख चो बनवाड़ी के दुसर के देये दे।

लूका 1:17

हुन एलिया चो आत्मा आउर सामरत ने होऊन भाती हुनचो पुरे-पुरे हिन्डे दे कि बुआमन चो मन पिला-झिलामन चो बाटे फिरान देयेंदे; आउर हुकुम नी मानतो बितामन के धरमीमन चो समज थाने आनो; आउर परबु चो काजे गोटक लायक परजा तिआर करो।”

लूका 20:16

हुन ऐऊन भाती हुन किसानमन के नाश करे दे, आउर अंगुर चो बनवाड़ी दुसर के सोपे दे।” ऐ सुनुन भाती हुनमन बल्ला “माहापुरू करो असन नी होओ।”

गलातियो 5:4

तुमी जोन नियम चो बाटले धरमी ठेबुक चाहायसास, मसीह ले अलग आउर अनुग्रह ले घसरुन गेलासास।

फिलिप्पियो 2:15

बल्ले तुमी बेकसूर आउर सीदा होऊन भाती टेड़ा आउर ऐड़जा लोगमन चो मंजी माहापुरू चो निसकलंक पिला बनुन राआ, जोनमन चो मंजी ने तुमी जीवना चो बचन धरून भाती जगत ने जरतो दियामन चो असन दका देऊ आहास

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

2 पतरस 3:17

ऐईकाजे हे लाड़रामन, तुमीमन पयले ची ले ऐ गोठमन के जानुन भाती चेता राहा, बल्ले अधरमीमन चो भरम ने फसुन भाती आपलो ची थीरता के काहांय हाथ ले हजाऊन नी दिआस।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 16:9

माने बड़े तोपा ले झुलसुन गेला, आउर माहापुरू चो नाव चो जेके ऐ बिपत्तिमन थाने अधिकार आसे, निन्दा करला मान्तर हुनचो महिमा करतो काजे मन नी फिरला।

प्रकाशितवाक्य 2:16

“आउर मन फिराव, नाहले मय तुचो लगे झटके ची ऐऊन भाती आपलो मुंह चो तलवार ले हुनमन चो संगे लड़ें दे।”

प्रकाशितवाक्य 2:19

“मय तुचो काममन, तुचो मया आउर बिश्वास आउर सेवा आउर धीरज, के जाने से आउर ऐ बले कि तुचो पाचे चो काम पयलामन ले बडुन भाती आय।”

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”