प्रकाशितवाक्य 2:3 - Halbi

³ “तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”

परमेस्वर को सच्चो वचन ख जाननू

³ तुम्हारो जोने धीरज हैं अर मोरो नाम को लाने दुख उठाते-उठाते नी थकियो।

प्रकाशितवाक्य 2:3 Iomraidhean Croise

मरकुस 15:21

सिकन्दर आउर रूफुस चो बुआ शिमोन, गोटक कुरेनी माने, जोन गाँव ले ऐते रलो हुन बाट ले निकरलो; हुनमन हुनके जबड़दस्ती ने धरला कि हुनचो कुरूस उठाऊन धरून जाओ।

लूका 14:27

आउर जोन कोनी आपलो कुरूस नी उठाये, आउर मोचो पाट-पाट नी ऐये हुन बले मोचो चेला नी होऊक सके।

लूका 18:1

फेर हुन ऐचो बारे ने कि सदा पारथना करतोर आउर हिम्मत नी छांडतोर आसे, हुनमन ले ऐ कहनी बल्लो:

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 5:5

शिमोन हुनके जबाप दिलो, “हे मालिक, आमी गुलाय राती मसागत करलु आउर काई नी धरलु; तेबले बले तुचो बल्लोने जाल डालें दें।”

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

रोमियो 16:12

त्रुफेना आउर त्रुफोसा के जोन परबु ने मसागत करू आय, जुहार। लाड़रा पिरसिस के, जोन परबु ने खुबे मसागत करलो, जुहार।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 13:7

हुन सपाय गोठमन सहु आय, सपाय गोठमन चो बिश्वास करू आय, सपाय गोठमन चो आशा संगाऊ आय, सपाय गोठमन ने धीरज धरू आय।

1 कुरिन्थियो 16:16

ऐईकाजे मय तुमचो ले बिनती करें से कि असनमन चो अधीन राआ, मान्तर हरकोनी जोन ऐ काम ने मसागत आउर सायता करू आत।

2 कुरिन्थियो 10:15

आमी संदी ले बाहरे दुसर चो मसागत थाने घमण्ड नी करूं; मान्तर आमके आशा आसे कि जसन-जसन तुमचो बिश्वास बाड़ते जाय दे असने-असने आमी आपलो संदी चो अनुसार तुमचो लागुन आउर बले बड़ते जांवा।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 6:5

कोड़ा खादलो ले, कयद होलो ले, कोलारमन ले, मसागत ले, चेता रलो ले, उपास करलो ले,

गलातियो 6:2

तुमी गोटक दुसर चो बोजा उठाआ, आउर ऐ परकार मसीह चो नियम के पुरा करा।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

फिलिप्पियो 4:3

हे सत सहकरमी, मय तुमचो ले बले गुहार करें से कि तुय हुन बायले लेकीमन चो सायता कर, कसनबल्लोने हुनमन मोचो संगे नगतखबर फयलातो ने, क्लेमेंस आउर मचो दुसर सकरमीमन चो संगे मसागत करला से, जोनमन चो नाव जीवन चो किताब ने लिकलोर आसे।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1 थिस्सलुनीकियो 5:12

हे भाईमन, आमी तुमचो ले गुहार करूं से कि जोन तुमनमन ने मसागत करू आत, आउर परबु ने तुमनमन चो अगुवा आत, आउर तुमके सिक्या देऊ आत, हुनमन चो मान करा।

2 थिस्सलुनीकियो 3:13

तुमी, हे भाईमन, भलाई करतो ने हिम्मत नी छांडा।

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

2 थिस्सलुनीकियो 3:8

आउर काचीई रोटी फोकाहा ने नी खादलु; मान्तर मसागत आउर कष्ट ले राती दिना काम धन्धा करते रलु कि तुमचो ने काचीई उपरे बोजा नी होओ।

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

1तीमुथियुस 5:17

जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 13:13

ऐईकाजे ईआ, हुनचो निन्दा आपलो उपरे धरून भाती, छांवनी चो बाहरे हुनचो लगे निकरून जो।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”