प्रकाशितवाक्य 2:24 - Halbi

²⁴ “मान्तर तुमी थुआथीरा चो बाकी लोगमन ले, जितरो ऐ सिक्या के नी मानोत आउर हुन गोठमन के जोनमन के शयतान चो भेद गोठमन बोलु आत नी जानोत, ऐ बलेंसें कि मय तुमचो उपरे आउर बोज नी डालेंदे।”

परमेस्वर को सच्चो वचन ख जाननू

²⁴ पर तुम थुआतीरा का बाकी अदमी हुन से जित्ता असो ग्यान की बात नी माना अऊर वी बात हुन ख जिनका सैतान की गहरी बात हुन कहाँ हैं। नी जाना, असो कहूँ हैं कि मी तुम पर अऊर बोझ नी डालन को।

प्रकाशितवाक्य 2:24 Iomraidhean Croise

प्रेरितो 15:28

पवितर आत्मा के आउर आमके ठीक जान पढ़ली कि ऐ जरूरी गोठमन के छांडुन, तुमचो उपरे आउर बोजा नी डालु;

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

1 कुरिन्थियो 2:10

मान्तर माहापुरू हुनमन के आपलो आत्मा चो दुवारा आमचो उपरे परकट करलो, कसनबल्लोने आत्मा सपाय गोठमन, मान्तर माहापुरू चो गुन गोठमन बले जाचु आय।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

2 कुरिन्थियो 2:11

कि शयतान चो आमचो उपरे दाँव नी चलो, कसनबल्लोने आमी हुनचो चालमन ले अनजान निआव।

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”