प्रकाशितवाक्य 2:10 - Halbi

¹⁰ “जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

परमेस्वर को सच्चो वचन ख जाननू

¹⁰ जो दुख तोखा भोगनु होये, उन से मत डरा। काहेकि देखनो, भूत तुम म से कोई ख जेल खाना म ड़ालन पर हैं ताकि तुम ख परखो जाय; अर तुम ख दस रोज तक दुख उठानो पढे। जान नीकलन तक भरोसा करजो, ते मी तोखा जीवन को मुकुट देऊगो।

प्रकाशितवाक्य 2:10 Iomraidhean Croise

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 10:28

जोन देंह के घात करू आत, मान्तर आत्मा के घात नी करूक सकोत, हुनमन ले नी डरा; मान्तर हुनची ले डरा, जोन आत्मा आउर देंह दुनो के नरक ने नष्ट करूक सके।

मत्ती 24:13

मान्तर जोन आखरी तक धीरज धरून रये दे, हुनचेई मुक्ति होये दे।

मरकुस 13:13

आउर मोचो नाव चो कारन सपाय लोग तुमचो ले बईर कर दे; मान्तर जोन आखरी तक धीरज धरून रये दे, हुनचेई मुक्ति होये दे।

मरकुस 8:35

कसनबल्लोने जोन कोनी आपलो जीव बचाऊक चाहा ये से हुन हुनके नी बचाए, मान्तर जोन कोनी मोचो आउर नगतखबर चो काजे आपलो जीव देऊ आय, हुन हुनके बचाए दे।

लूका 21:12

मान्तर ऐ सपाय गोठमन ले पयले हुनमन मोचो नाव चो लागुन तुमके धर दे, आउर कन्दरा दे, आउर आराधना घरमन ने सोप दे, आउर जयलघर ने ढ़पादे, आउर राजामन आउर राजपालमन चो पुरे नेदे।

यूहन्ना 12:25

जोन आपलो जीव के लाड़रा जानु आय, हुन हुनके नी बचाए आउर जोन ये जगत ने आपलो जीव के लाड़रा नी जाने, हुन अमर जीवना चो काजे हुनचो राका करे दे।

यूहन्ना 13:2

जिदलदाय शयतान शिमोन चो बेटा यहूदा इस्करियोती चो मन ने ऐ डालुन चुकुन रये कि हुनके धराओ, तेबे भोजन चो समया

यूहन्ना 13:27

गोंदा धरते ची खन शयतान हुनचो थाने समाऊन गेलो। तेबे ईशु हुनचो ले बल्लो, “जोन तुय करे सीस, तुरते कर।”

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 13:2

जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

प्रकाशितवाक्य 13:7

हुनके ऐ बले अधिकार दिया गेली कि पवितर लोगमन ले लड़ो आउर हुनमन उपरे जय पाओ, आउर हुनके हरकोनी कुल आउर लोग आउर भाषा आउर जाति थाने अधिकार दिआ गेली।

प्रकाशितवाक्य 17:14

“हुनमन मेमना संगे लड़ दे, आउर मेमना हुनमन उपरे जय पाये दे, कसनबल्लोने हुन परबुमन चो परबु आउर राजामन चो राजा आय, आउर जोन हाग दिलोर आउर चुनलो आउर बिश्वासी आत हुनमन हुनचो संगे आसोत; हुनमन बले जय पावदे।”

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”