प्रकाशितवाक्य 19:10 - Halbi

¹⁰ तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

परमेस्वर को सच्चो वचन ख जाननू

¹⁰ तब मी ओखा पाय पड़न को लाने ओखा पाय हुन पा गिड गयो। ओ ना मोसे कय्हो, “देख असो मत करा,” मी तोरो अर तोरा भई हुन को संगी दास आय जो यीसु कि गवाई देन पा खड़ो हैं। परमेस्वर ही ख भजन करजे, काहेकि यीसु कि गवाई भविस्यवानी की आत्मा आय।

प्रकाशितवाक्य 19:10 Iomraidhean Croise

मत्ती 4:10

तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

मरकुस 5:22

याईर नाव चो आराधना घर चो सरदारमन ले गोटक ईलो, आउर हुनके दकुन भाती हुनचो पाँय थाने घसरलो,

मरकुस 7:25

आउर तुरते गोटक बायले लेकी जेचो नानी बेटी ने अशुद्ध आत्मा रली, हुनचो चरचा सुनुन भाती ईली, आउर हुनचो पाँयमन थाने घसरली।

लूका 1:19

सरगदूत हुनके जबाप दिलो, “मय गब्रिएल आंय, जोन माहापुरू चो पुरे उबा रऊ आंय; आउर मय तुचो ले गोठयाऊक आउर तुके ऐ नगतखबर सुनातो काजे पटाया गेले से।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

यूहन्ना 5:39

तुमी पवितर शास्त्र ने डगराऊ आहास, कसनबल्लोने समजु आहास कि हुन थाने अमर जीवना तुमके मिरू आय; आउर ऐ हुनी आय जोन मोचो गोहई देऊ आय;

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 13:27

कसनबल्लोने यरूशलेम चो रतो बितामन आउर हुनमन सरदारमन, ना हुनके चिताला आउर ना अगम गिआनीमन चो गोठमन समजला, जोन हर सब्त चो दिने पढ़ा जाऊ आय, ऐईकाजे हुनके दोषी ठेबाऊन भाती हुन गोठमन के पुरा करलो।

2 कुरिन्थियो 8:7

ऐईकाजे जसन तुमी हर गोठ ने बल्लोने बिश्वास, बचन, गिआन आउर सपाय परकार चो कोशिश ने, आउर हुन मया ने जोन आमचो ले संगाऊ आस, बाड़ते जाऊ आस, असने ची ऐ दान चो काम ने बले बाड़ते जाआ।

इफिसीयो 5:15

ऐईकाजे धिआन ले दका, कि कसन चाल चलेसास; बेअकलमन चो असन नाई मान्तर अकल बितामन चो असन चला।

इफिसीयो 5:33

मान्तर तुमचो ने हरकोनी आपलो बायले ले आपलो असन मया संगाओ, आउर बायले बले आपलो मनुक चो भय मानो।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

इब्रानियो 12:25

खबड़दार रहा, आउर हुन बोलतो बितामन ले मुंह नी मोड़ा, कसनबल्लोने हुन लोगमन जिदलदाय धरतनी थानो चो धमकी देतो बितामन ले मुंह मोडुन भाती नी बाचुक सकला, तेबे आमी सरग थानले धमकी देतो बिता ले मुंह मोडुन भाती कसन बाचुक सकवां?

1यूहन्ना 5:10

जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

1यूहन्ना 5:21

हे लेकामन, आपन खुद के मुरतीमन ले बचाऊन संगाहा।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 14:7

हुन बड़े शब्द ले बल्लो, “माहापुरू ले डरा, आउर हुनचो महिमा करा, कसनबल्लोने हुनचो नियाय करतोर समया ऐऊन पहुँचली से; आउर हुनचो आराधना करा, जोन सरग आउर धरतनी आउर समुन्द आउर पानी चो सतान बनाला।”

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 19:9

तेबे सरगदूत मोचो ले बल्लो, “ऐ लिक, कि धन्य हुनमन आत, जोन मेमना चो बिहा चो भोज ने हाग दिलोर आसोत।” फेर हुन मोचो ले बल्लो, “ऐ बचन माहापुरू चो सत बचन आय।”

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,