प्रकाशितवाक्य 18:2 - Halbi

² हुन बड़े जोर ले चिचयाऊन भाती बल्लो, “घसरलो बड़े बेबीलोन घसरलो से! हुन दुष्टआत्मामन चो निवास, आउर हरकोनी अशुद्ध आत्मा चो अड्डा, आउर हरकोनी अशुद्ध आउर घिन-घिना चड़ीई चो अड्डा होली।

परमेस्वर को सच्चो वचन ख जाननू

² ओ ना बड़ी जोर से चिल्लाया ख कय्हो, “ओको सत्यानास हो गयो! उ बड़ो सहर बेबीलोन को सत्यानास हो गयो! वहाँ दुस्टात्मा को डेरा, कई तरीका की असुध्द को अड्डा, अऊर कई तरीका की बुरी चिड़िया हुन को गुड्डा अऊर असुध्द अर बुरा जानवर हुन को खोला बन गयो।

प्रकाशितवाक्य 18:2 Iomraidhean Croise

प्रकाशितवाक्य 1:15

हुनचो पाँय बड़ीया पीतल चो असन रये जोन माना भाटी ने तपाया गेली से, आउर हुनचो शब्द खुबे पानी चो शब्द चो असन रये।

प्रकाशितवाक्य 10:3

आउर असन जोर ले चिचयालो, जसन डुरका गरजु आय; आउर जिदलदाय हुन चिचयालो तेबे गरजन चो संगे शब्द सुना दिली।

प्रकाशितवाक्य 11:8

हुनमन चो लाश हुन बड़े नंगर चो जोड़ान ने पडु रयदे, जोन आत्मिक रीति ले सदोम आउर मिस्र बोला जाऊ आय, जोन थाने हुनमन चो परबु बले कुरूस थाने चेगाया जाऊ रलो।

प्रकाशितवाक्य 14:15

फेर गोटक आउर सरगदूत मंदिर थानले निकरून भाती हुनचो ले, जोन बादरी थाने बसुन रये, बड़े जोर ले हाग देऊन भाती बल्लो, “आपलो हिरा लगाऊन भाती काट, कसनबल्लोने काटतोर समया ऐऊन पहुँचली से, ऐईकाजे कि धरतनी चो खेती पाकुन चुकली से।”

प्रकाशितवाक्य 14:8

फेर ऐचो पाचे गोटक आउर, दुसर, सरगदूत ऐ बलते ईलो, “घसरलो, हुन बड़े बेबीलोन घसरलो, जोन आपलो बेबीचार चो कोपमय मन्द सपाय जातिमन के पिआलो से।”

प्रकाशितवाक्य 16:13

फेर मय हुन बोड़ासाप चो मुंह ले, आउर हुन पशु चो मुंह ले, आउर हुन फंदी अगम गिआनी चो मुंह ले तीन अशुद्ध आत्मामन के मेंढ़कामन चो रूप ने निकरतोर दकले।

प्रकाशितवाक्य 16:19

ऐचो ले हुन बड़े नंगर चो तीन गोंदा होऊन गेली, आउर जाति-जाति चो नंगर घसरुन पढ़ली; आउर बड़े बेबीलोन चो सुरता माहापुरू चो थाने होली कि हुन आपलो रीस चो चिड़चिड़ा चो मन्द हुनके पिआओ।

प्रकाशितवाक्य 17:18

“हुन बायले लेकी, जेके तुय दकली सीस, हुन बड़े नंगर आय जोन धरतनी चो राजामन थाने राज करू आय।”

प्रकाशितवाक्य 17:5

हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

प्रकाशितवाक्य 18:10

हुनचो दुख चो डर चो मारे हुनमन खुबे लापी उबा होऊन भाती बोल दे, “हे बड़े नंगर, बेबीलोन! ‘हे मजबूत नंगर, हाय! हाय! घड़ी भर ने ची तुके डण्ड मिरली से।’

प्रकाशितवाक्य 18:21

फेर गोटक बलवान सरगदूत बड़े जता चो पाट चो असन गोटक पकना उठालो, आउर ऐ बोलुन भाती समुन्द ने पकान दिलो, “बड़े नंगर बेबीलोन असने ची बड़े बल ले घसराया जाय दे, आउर फेर केबीई हुनचो पता नी चले दे।

प्रकाशितवाक्य 5:2

फेर मय गोटक बलवन्त सरगदूत के दकले जोन जोर-जोर ले ऐ परचार करते रलो, “ऐ किताब के खोलतोर आउर हुनचो सीलमन टुटातो लायक कोन आय?”