प्रकाशितवाक्य 15:2 - Halbi

² तेबे मय आईग मिललो बिती कांच चो असन गोटक समुन्द दकले; आउर जोन लोग हुन पशु थाने आउर हुनचो मुरती थाने आउर हुनचो नाव चो नम्बर थाने जयवन्त होऊ रवत, हुनमन के हुन कांच चो समुन्द चो लगे माहापुरू चो बीणामन के धरून भाती उबा दकले।

परमेस्वर को सच्चो वचन ख जाननू

² तब मी न आग मिल्यो वालो काँच को जसो समुंदर कुछ देख्यो; अर जो अदमी उ जानवर पर अर ओकी मूर्ति पर अर ओको नाम को अंक पा जीतीया रहा, उनका उ काँच को समुंदर को जोने परमेस्वर कि वीणा हुन का लेका खड़ो देखियो।

प्रकाशितवाक्य 15:2 Iomraidhean Croise

मत्ती 3:11

“मय तो पानी ले तुमके मन फिराव चो डूबन देयेंसे, मान्तर जोन मोचो पाचे ऐतो बिता आय, हुन मोचो ले आगर शक्तिशाली आय; मय हुनचो पनही उठातोर लायक नुआय, हुन तुमके पवितर आत्मा आउर आईग ले डूबन देयदे।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

1 पतरस 4:12

हे लाड़रामन, जोन दुख रूपी आईग तुमचो परकतो काजे तुमचो थाने भड़कली से, ऐचो ले ऐ समजुन भाती अकचकित नी करा कि कोनी भयंकर गोठ तुमचो उपरे बीते से।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 13:1

तेबे मय गोटक पशु के समुन्द थानले निकरतोर दकले, जेचो दस सींग आउर सात मुण्ड रये। हुनचो सींगमन थाने दस राज मुकुट, आउर हुनचो मुण्डमन थाने माहापुरू चो निन्दा चो नाव लिकलोर रये।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 13:17

कि हुनके छांडुन जोन थाने छाप बल्लोने हुन पशु चो नाव नाहले हुनचो नाव चो नम्बर होओ, दुसर कोनी लेन-देन नी करूक सकोत।

प्रकाशितवाक्य 21:18

हुनचो बाड़ा यशब चो बनुन रली, आउर नंगर असन शुद्ध सोना चो रये जोन सफाई कांच चो असन होओ।

प्रकाशितवाक्य 4:6

आउर हुन सिंघासन चो पुरे माना बिल्लोर चो समान कांच चो असन समुन्द आसे। सिंघासन चो मन्जारे आउर सिंघासन चो चारो बाटे चार परानी आसोत, जेचो पुरे पाटे आँईक ची आँईकमन आसे।

प्रकाशितवाक्य 5:8

जिदलदाय हुन किताब के धरलो, तेबे हुन चारो परानी आउर चोबिसों सियानमन हुन मेमना चो पुरे घसरुन पढ़ला। हुनमन थानले हरकोनी चो हाथ ने बीणा आउर धुप, जोन पवितर लोगमन चो पारथनामन आय, ले भरलो बिती सोना चो बटका रवत।