प्रकाशितवाक्य 15:1 - Halbi

¹ फेर मय सरग ने गोटक आउर बड़े आउर भयंकर चिना दकले, बल्लोने सात सरगदूत जेचो लगे सातो आखरी बिपत्तिमन रये, कसनबल्लोने हुनमन चो आखरी होऊन जातो के माहापुरू चो रीस चो आखरी होली।

परमेस्वर को सच्चो वचन ख जाननू

¹ फिर मीना स्वर्ग म एक अऊर बड़ो अर हईब को चिन्ह देखो, एकोमतलब सात स्वर्ग दूत जिनको जोने साती आखरी विपत्ति हुन हती, काहेकि उनको वजेसे परमेस्वर को घुस्सा पुरो सान्त हो जावा हैं।

प्रकाशितवाक्य 15:1 Iomraidhean Croise

प्रकाशितवाक्य 10:3

आउर असन जोर ले चिचयालो, जसन डुरका गरजु आय; आउर जिदलदाय हुन चिचयालो तेबे गरजन चो संगे शब्द सुना दिली।

प्रकाशितवाक्य 11:14

दुसर बिपत्ति बीतुन चुकली; दका, तीसर बिपत्ति झटके ऐतो बिती आय।

प्रकाशितवाक्य 14:10

हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।

प्रकाशितवाक्य 14:19

तेबे हुन सरगदूत धरतनी थाने आपलो हिरा लगालो आउर धरतनी चो अंगुर खेंदामन चो फर काटून भाती आपलो माहापुरू चो परकोप चो बड़े रसकुण्ड ने डालुन दिलो;

प्रकाशितवाक्य 16:1

फेर मय मंदिर ने काकीई बड़े जोर ले हुन सातो सरग दूतमन ले ऐ बोलतोर सुनलो, “जाआ माहापुरू चो रीस चो सातो बटकामन के धरतनी थाने रिकाऊन दिआस।”

प्रकाशितवाक्य 17:1

जोन सात सरग दूतमन चो लगे हुन सात बटकामन रये, हुनमन थानले गोटक ऐऊन भाती मचो ले ऐ बल्लो, “ऐ बाटे आव, मय तुके हुन बड़े बेश्या चो डण्ड दकायें दें, जोन खुबे असन पानी थाने बसली से,”

प्रकाशितवाक्य 19:15

जाति-जाति के मारतो काजे हुनचो मुंह ले गोटक चोखा तलवार निकरू आय। हुन लुआ चो राज बड़गी धरून भाती हुनमन उपरे राज करे दे, आउर सर्वशक्तिमान माहापुरू चो भयंकर रिस चो जलजलाहट चो मन्द चो खोदरा ने दाख लगडे़ दे।

प्रकाशितवाक्य 21:9

फेर जोन सात सरग दूतमन चो लगे सात आखरी बिपत्तिमन ले भरलो बिती सात बटकामन रये, हुन थानले गोटक मोचो लगे ईलो, आउर मोचो संगे गोठयाऊन बल्लो, “ऐ घाई आव, मय तुके दुली बल्लोने मेमना चो बायले दकायें दें।”

प्रकाशितवाक्य 8:13

जिदलदाय मय फेर दकले, तेबे बादरी चो मंजी ने गोटक उकाब के उड़तोर आउर जोर ले ऐ बोलतोर सुनले, “हुन तीन सरग दूतमन चो तुरी चो शब्दमन चो लागुन, जेचो फुकतोर ऐबे बाकी आसे, धरतनी चो रतो बितामन उपरे हाय, हाय, हाय!”

प्रकाशितवाक्य 8:2

तेबे मय हुन सातो सरग दूतमन के दकले जोन माहापुरू चो पुरे उबा रऊ आत, आउर हुनमन के सात तुरीमन दिया गेली।

प्रकाशितवाक्य 8:6

तेबे हुन सातो सरगदूत जेचो लगे सात तुरीमन रये हुनमन के फुकतो काजे तिआर होला।

प्रकाशितवाक्य 9:20

बाकी मानेमन जोन हुन मरीमन ले नी मरून रला, आपलो हाथ चो काममन ले मन नी फिराला, कि दुष्टआत्मामन चो, आउर सोना आउर चाँदी आउर पीतल आउर पकना आउर काट चो मुरतीमन चो पुजा नी करोत जोन ना दकुक ना सुनुक, ना हिन्डुक सकोत;