प्रकाशितवाक्य 14:7 - Halbi

⁷ हुन बड़े शब्द ले बल्लो, “माहापुरू ले डरा, आउर हुनचो महिमा करा, कसनबल्लोने हुनचो नियाय करतोर समया ऐऊन पहुँचली से; आउर हुनचो आराधना करा, जोन सरग आउर धरतनी आउर समुन्द आउर पानी चो सतान बनाला।”

परमेस्वर को सच्चो वचन ख जाननू

⁷ ओ ना बड़ी जोर कि आवाज से कय्हो, “परमेस्वर से डरो, अर ओकी मेहमा करो, काहेकि ओको न्याय करन को दिन आ पहुँचिया हैं; अर ओकी मेहमा गाँव, जेना स्वर्ग अर जमीन अर समुंदर अर पानी का सोता बनाया।”

प्रकाशितवाक्य 14:7 Iomraidhean Croise

मत्ती 25:13

ऐईकाजे चेत ने राहा, कसनबल्लोने तुमी ना हुन दिन के जानास, ना हुन घड़ी के।”

लूका 17:18

काय ऐ परदेशीया के छांडुन कोनी आउर कोनी नी निकरला, जोन माहापुरू चो बड़ाई करता?”

प्रेरितो 14:15

हे लोगमन, तुमी काय करसास? आमी बले तो तुमचो असन दुक सुक भोगी माने आंव, आउर तुमके नगतखबर सुनाऊ से कि तुमी ऐ फकाहा तीज ले अलग होऊन भाती जीवता माहापुरू चो बाटे फिरा, जोन सरग आउर धरतनी आउर समुन्द आउर जोन काई हुन थाने आसे बनालो।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

प्रकाशितवाक्य 11:13

फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

प्रकाशितवाक्य 11:18

जातिमन रीस करला, मान्तर तुचो परकोप ऐऊन पड़ली, आउर हुन समया ऐऊन पहुँचली से कि मरलो बितामन चो नियाय करा जाओ, आउर तुचो दास अगम गिआनीमन आउर पवितर लोगमन के आउर हुन नानी-बड़ेमन के जोन तुचो नाव ले डरू आत पलटा दिया जाओ, आउर धरतनी चो नशातो बितामन नाश करा जाओत।”

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 16:9

माने बड़े तोपा ले झुलसुन गेला, आउर माहापुरू चो नाव चो जेके ऐ बिपत्तिमन थाने अधिकार आसे, निन्दा करला मान्तर हुनचो महिमा करतो काजे मन नी फिरला।

प्रकाशितवाक्य 18:10

हुनचो दुख चो डर चो मारे हुनमन खुबे लापी उबा होऊन भाती बोल दे, “हे बड़े नंगर, बेबीलोन! ‘हे मजबूत नंगर, हाय! हाय! घड़ी भर ने ची तुके डण्ड मिरली से।’

प्रकाशितवाक्य 18:17

घड़ी भर ने ची हुनचो असन भारी धन नष्ट होऊन गेली।’ हरकोनी घटवार आउर यातरी आउर घटवारी, आउर जितरो समुन्द ले कमाऊ आत, सपाय लापी उबा होला,”

प्रकाशितवाक्य 18:19

“आउर आपलो-आपलो मुण्डमन थाने धुरला पका दे, आउर गागुन-गागुन आउर कलपुन-कलपुन चिचयाऊन-चिचयाऊन भाती बोल दे, ‘हाय! हाय! ऐ बड़े नंगर जेचो सम्पत्ति चो दुवारा समुन्द चो सपाय जाहाज बितामन धनी होऊन जाऊ रवत, घड़ी भर ने ची उजरुन गेली।’

प्रकाशितवाक्य 19:5

तेबे सिंघासन थानले गोटक शब्द निकरली, “हे आमचो माहापुरू ले सपाय डरतो बिता दासमन, काय नानी काय बड़े; तुमी सपाय हुनचो स्तुति करा।”

प्रकाशितवाक्य 4:11

“हे आमचो परबु आउर माहापुरू, तुय ची महिमा आउर ईजीत आउर सामरत चो लायक आस; कसनबल्लोने तुय ची सपाय तीजमन बनालीस आउर हुनमन तुचीई इच्छा ले रली आउर बनाया गेली।”

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 8:10

तीसर सरगदूत तुरी फुकलो, आउर गोटक बड़े तारा जोन मशाल चो असन जरते रये सरग ले टुटली, आउर लंदीमन चो गोटक भाग थाने आउर पानी चो सतानमन थाने ऐऊन पड़ली।