प्रकाशितवाक्य 14:11 - Halbi

¹¹ “हुनमन चो दुखा चो कुमरा जुग-जुग उठते रये दे, आउर जोन हुन पशु आउर हुनचो मुरती चो पुजा करू आत, आउर जोन हुनचो नाव चो छाप धरू आत, हुनमन के रात दिन असतीर नी मिरे दे।”

परमेस्वर को सच्चो वचन ख जाननू

¹¹ उनको दुख कि तड़प को धुआँ युगयुग उठते रहेगो, अर जो उ जानवर अर ओकी मूर्ति कि पूजा करा हैं, अर जे ओको नाम कि छाप लेवा हैं, उनका रात दिन चैन नी मीलन को।”

प्रकाशितवाक्य 14:11 Iomraidhean Croise

मत्ती 11:28

“हे सपाय मसागत करतो बितामन आउर बोजा ले चेपाय होलो लोगमन, मोचो लगे ईआ; मय तुमके आराम देयेंदे।

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

इब्रानियो 1:8

मान्तर बेटा चो बारे ने बले से, “हे माहापुरू, तुचो सिंघासन जुग-जुग रयदे, तुचो राज चो राजदण्ड नियाय चो राजदण्ड आय।

प्रकाशितवाक्य 11:15

जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

प्रकाशितवाक्य 13:12

हुन-हुन पयला पशु चो पुईतराय अधिकार हुनचो पुरे काम ने आनते रलो; आउर धरतनी आउर हुनचो रतो बितामन ले हुन पयला पशु चो, जेचो परान घातक घाव अच्छा होऊन जाऊ रये, पुजा कराते रये।

प्रकाशितवाक्य 13:15

हुनके हुन पशु चो मुरती ने परान भरतोर अधिकार दिया गेली कि पशु चो मुरती बोलुक मुरयाओ, आउर जितरो लोग हुन पशु चो मुरती के पुजा नी करोत हुनमन के मराऊन देओ।

प्रकाशितवाक्य 13:17

कि हुनके छांडुन जोन थाने छाप बल्लोने हुन पशु चो नाव नाहले हुनचो नाव चो नम्बर होओ, दुसर कोनी लेन-देन नी करूक सकोत।

प्रकाशितवाक्य 14:9

फेर ऐचो पाचे गोटक आउर, तीसर, सरगदूत बड़े जोर ले ऐ बोलते-बोलते ईलो, “जोन कोनी हुन पशु आउर हुनचो मुरती चो पुजा कर दे, आउर आपलो कपार नाहले आपलो हाथ थाने हुनचो छाप धरो”

प्रकाशितवाक्य 18:18

“आउर हुनचो जरतोर कुमरा दकुन भाती हाग देऊन भाती बोल दे, ‘कोन बिती नंगर ऐ बड़े नंगर चो असन आय?’”

प्रकाशितवाक्य 18:9

“धरतनी चो राजा जोनमन हुनचो संगे बेबीचार आउर सुक भोगला, जिदलदाय हुनचो जरतोर कुमरा दक दे, तेबे हुनचो काजे गागदे आउर छाती पेटदे।”

प्रकाशितवाक्य 19:3

फेर दुसरहार हुनमन बल्ला, “हाल्लेलुय्याह! हुनचो जरतोर कुमरा जुग-जुग उठते रये दे।”

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”