प्रकाशितवाक्य 14:10 - Halbi

¹⁰ हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।

परमेस्वर को सच्चो वचन ख जाननू

¹⁰ ते ओखा परमेस्वर को परकोप कि नीरा मदिरा पिलायो जाहे, जो ओको घुस्सा को कटोरा म ड़ाली गई हैं पीएगो। अर सुध्द स्वर्ग दूत हुन को जोने अर मेम्ना को जोने आगी अर गन्धक की पीड़ा भोगेगो।

प्रकाशितवाक्य 14:10 Iomraidhean Croise

मत्ती 20:22

ईशु जबाप दिलो, “तुमी नी जानास कि काय मांगेसास। जोन बटका थानले मय पिवतो थाने आसे, काय तुमी पिऊक सकास?” हुनमन हुनचो ले बल्ला, “पिऊक सकु।”

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

मरकुस 9:44

जोन थाने हुनमन चो कीड़ा नी मरोत आउर आईग नी लिबे।

प्रेरितो 10:22

हुनमन बल्ला, “कुरनेलियुस सुबेदार जोन धरमी आउर माहापुरू ले डरतो बिता आउर पुईतराय यहूदी जाति ने सुनाम माने आय, हुन गोटक पवितर सरगदूत ले ऐ निर्देश पावला से कि तुके आपलो घरे हाग देउन भाती तुचो ले बचन सुनोत।”

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।

प्रकाशितवाक्य 15:7

तेबे हुन चारो परानीमन थानले गोटक हुन सात सरग दूतमन के माहापुरू, जोन जुग-जुग जीव आसे, रीस ले भरलो बिती सोना चो सात बटकामन दिला;

प्रकाशितवाक्य 16:19

ऐचो ले हुन बड़े नंगर चो तीन गोंदा होऊन गेली, आउर जाति-जाति चो नंगर घसरुन पढ़ली; आउर बड़े बेबीलोन चो सुरता माहापुरू चो थाने होली कि हुन आपलो रीस चो चिड़चिड़ा चो मन्द हुनके पिआओ।

प्रकाशितवाक्य 18:3

कसनबल्लोने हुनचो बेबीचार चो भयंकर मन्द चो लागुन सपाय जातिमन घसरला से, आउर धरतनी चो राजामन हुनचो संगे बेबीचार करला से, आउर धरतनी चो बेबारी हुनचो सुक-सुबिदा चो खुबे आगर चो लागुन सवकार होला से।”

प्रकाशितवाक्य 18:6

जसन हुन तुमके दिलो से असने ची हुनके दिआस, आउर हुनचो काममन चो अनुसार हुनके दुय गुना पलटा दिआस; जोन बोटका ने हुन भरून देऊ रलो हुनी थाने हुनचो काजे दुय गुना भरून दिआस।

प्रकाशितवाक्य 19:15

जाति-जाति के मारतो काजे हुनचो मुंह ले गोटक चोखा तलवार निकरू आय। हुन लुआ चो राज बड़गी धरून भाती हुनमन उपरे राज करे दे, आउर सर्वशक्तिमान माहापुरू चो भयंकर रिस चो जलजलाहट चो मन्द चो खोदरा ने दाख लगडे़ दे।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”