प्रकाशितवाक्य 13:2 - Halbi

² जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

परमेस्वर को सच्चो वचन ख जाननू

² जो जानवर मीना देखो उ चिंता को समान हतो; अर ओखा पाय रीच को जसा समान हता अर मुंडो सेर को समान हतो। उ अजगर न अपनी ताकत सामर्थ्य अर अपनो सिंहासन अऊर बड़ो हक ओखा दे दियो।

प्रकाशितवाक्य 13:2 Iomraidhean Croise

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

प्रकाशितवाक्य 12:13

जिदलदाय बोड़ासाप दकलो कि मय धरतनी थाने घसराऊन दिया गेलेसे, तेबे हुन बायले लेकी के जोन पिला जनमाऊ रली, कन्दरालो।

प्रकाशितवाक्य 12:15

आउर सांप हुन बायले लेकी चो पाटे आपलो मुंह ले लंदी चो असन पानी बोहड़ालो कि हुनके ऐ लंदी ले बोहड़ाऊन देओ।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:12

हुन-हुन पयला पशु चो पुईतराय अधिकार हुनचो पुरे काम ने आनते रलो; आउर धरतनी आउर हुनचो रतो बितामन ले हुन पयला पशु चो, जेचो परान घातक घाव अच्छा होऊन जाऊ रये, पुजा कराते रये।

प्रकाशितवाक्य 13:4

लोगमन बोड़ासाप चो पुजा करला, कसनबल्लोने हुन पशु के आपलो अधिकार देउन रये, आउर ऐ बोलुन भाती पशु चो पुजा करला, “ऐ पशु चो असन कोन आय? कोन ऐचो ले लडुक सके?”

प्रकाशितवाक्य 16:10

पांचवां सरगदूत आपलो बटका हुन पशु चो सिंघासन थाने रिकाऊन दिलो, आउर हुनचो राज थाने अंधार छाऊन गेली। लोग दुखा चो मारे आपलो-आपलो जीब चाबुक मुरयाला,

प्रकाशितवाक्य 17:12

जोन दस सींग तुय दकलीस हुनमन दस राजा आत जोनमन ऐबे ले राज नी पावला, मान्तर हुन पशु चो संगे घड़ी भर चो काजे राजामन चो असन अधिकार पावदे।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 20:2

हुन-हुन बोड़ासाप, बल्लोने जुना सांप के जोन इबलीस आउर शयतान आय, धरून भाती हजार बरक चो काजे बान्दुन दिलो,