प्रकाशितवाक्य 13:17 - Halbi

¹⁷ कि हुनके छांडुन जोन थाने छाप बल्लोने हुन पशु चो नाव नाहले हुनचो नाव चो नम्बर होओ, दुसर कोनी लेन-देन नी करूक सकोत।

परमेस्वर को सच्चो वचन ख जाननू

¹⁷ कि ओखा छोड़ जेपर मुहर छाप एकोमतलब उ जानवर को नाम या ओको नाम को अंक होये, दुसरा कोई लेनो देनो नी कर सका।

प्रकाशितवाक्य 13:17 Iomraidhean Croise

गलातियो 6:17

पयले ले कोनी मोके दुख नी दिआस, कसनबल्लोने मय ईशु चो दागमन के आपलो देंह ने धरून फिरें से।

प्रकाशितवाक्य 13:16

हुन नानी बड़े, धनी कंगाल, छुटछाड़ा दास सपाय चो उजा हाथ नाहले हुनमन चो कपार थाने गोटक-गोटक छाप कराऊन दिलो,

प्रकाशितवाक्य 13:18

गिआन ऐई थाने आसे जेके अकल आसे हुन ऐ पशु चो नम्बर जोड़ो, कसनबल्लोने हुन माने चो नम्बर आय, आउर हुनचो नम्बर छय सव छिंयासठ आय।

प्रकाशितवाक्य 14:11

“हुनमन चो दुखा चो कुमरा जुग-जुग उठते रये दे, आउर जोन हुन पशु आउर हुनचो मुरती चो पुजा करू आत, आउर जोन हुनचो नाव चो छाप धरू आत, हुनमन के रात दिन असतीर नी मिरे दे।”

प्रकाशितवाक्य 14:9

फेर ऐचो पाचे गोटक आउर, तीसर, सरगदूत बड़े जोर ले ऐ बोलते-बोलते ईलो, “जोन कोनी हुन पशु आउर हुनचो मुरती चो पुजा कर दे, आउर आपलो कपार नाहले आपलो हाथ थाने हुनचो छाप धरो”

प्रकाशितवाक्य 15:2

तेबे मय आईग मिललो बिती कांच चो असन गोटक समुन्द दकले; आउर जोन लोग हुन पशु थाने आउर हुनचो मुरती थाने आउर हुनचो नाव चो नम्बर थाने जयवन्त होऊ रवत, हुनमन के हुन कांच चो समुन्द चो लगे माहापुरू चो बीणामन के धरून भाती उबा दकले।

प्रकाशितवाक्य 17:5

हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 22:4

हुनमन हुनचो मुंह दक दे, आउर हुनचो नाव हुनमन चो कपारमन थाने लिकलोर होये दे।

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”

प्रकाशितवाक्य 7:3

“जिदलदाय ले आमी आपलो माहापुरू चो दासमन चो कपार थाने मोहर नी लगाऊन देऊं, हुलदाय ले धरतनी आउर समुन्द आउर रूकमन के हानि नी पहुँचाहा।”