प्रकाशितवाक्य 12:4 - Halbi

⁴ हुनचो लेंगड़ी ने बादरी चो तारामन चो गोटक भाग के झिकुन भाती धरतनी थाने ढ़ारुन दिलो। हुन बोड़ासाप हुन बायले लेकी चो पुरे जोन जनमाते रली, उबा होलो कि जिदलदाय हुन पिला जनमो तेबे हुन पिला के गिरुन जाओ।

परमेस्वर को सच्चो वचन ख जाननू

⁴ ओकी पुच्ची न आकास ख तारा हुन की एक हिस्सा को तीसरो भाग ख खीच ख जमीन पर ड़ाल दियो। उ अजगर वा ओरत को जोने जो पेट से हती, खड़ो भयो कि जब वा अवलाद ख जनम देहे ते वा अवलाद ख गील लेहे।

प्रकाशितवाक्य 12:4 Iomraidhean Croise

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

प्रकाशितवाक्य 12:7

फेर सरग ने लड़ीई होली, मीकाईल आउर हुनचो सरगदूत बोड़ासांप ले लडुक निकरला; आउर बोड़ासाप आउर हुनचो दूत हुनमन ले लड़ला,

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:2

जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

प्रकाशितवाक्य 13:4

लोगमन बोड़ासाप चो पुजा करला, कसनबल्लोने हुन पशु के आपलो अधिकार देउन रये, आउर ऐ बोलुन भाती पशु चो पुजा करला, “ऐ पशु चो असन कोन आय? कोन ऐचो ले लडुक सके?”

प्रकाशितवाक्य 16:13

फेर मय हुन बोड़ासाप चो मुंह ले, आउर हुन पशु चो मुंह ले, आउर हुन फंदी अगम गिआनी चो मुंह ले तीन अशुद्ध आत्मामन के मेंढ़कामन चो रूप ने निकरतोर दकले।

प्रकाशितवाक्य 17:18

“हुन बायले लेकी, जेके तुय दकली सीस, हुन बड़े नंगर आय जोन धरतनी चो राजामन थाने राज करू आय।”

प्रकाशितवाक्य 20:2

हुन-हुन बोड़ासाप, बल्लोने जुना सांप के जोन इबलीस आउर शयतान आय, धरून भाती हजार बरक चो काजे बान्दुन दिलो,

प्रकाशितवाक्य 8:10

तीसर सरगदूत तुरी फुकलो, आउर गोटक बड़े तारा जोन मशाल चो असन जरते रये सरग ले टुटली, आउर लंदीमन चो गोटक भाग थाने आउर पानी चो सतानमन थाने ऐऊन पड़ली।

प्रकाशितवाक्य 8:11

हुन तारा चो नाव नाग दवना आय; आउर गोटक तिहाई पानी नाग दवना असन पीता होऊन गेली, आउर खुबे असन माने हुन पानी चो पीता होऊन जातो के मरून गेला।

प्रकाशितवाक्य 8:12

चवथा सरगदूत तुरी फुक लो, आउर बेर चो गोटक भाग, आउर जोन चो गोटक भाग आउर तारामन चो गोटक भाग थाने बिपत्ति ईली, ऐथाले कि हुनमन चो गोटक भाग अंग अंधार होऊन गेली आउर दिन चो गोटक भाग ने उजर नी रली, आउर असने ची राती ने बले।

प्रकाशितवाक्य 8:7

पयला सरगदूत तुरी फुकलो, आउर लऊ ले मिललो बिती गोला आउर आईग उपजास होली, आउर धरतनी थाने डाला गेली; आउर धरतनी चो गोटक भाग जरून गेली, आउर रूकमन चो गोटक भाग जरून गेली, आउर सपाय काचा लाटा बले जरून गेली।

प्रकाशितवाक्य 8:8

दुसर सरगदूत तुरी फुकलो, तेबे माना आईग असन जरते गोटक बड़े डोंगरी समुन्द ने डाला गेली; आउर समुन्द चो गोटक भाग लऊ होऊन गेली,

प्रकाशितवाक्य 8:9

आउर समुन्द चो गोटक भाग परानी मरून गेला, आउर गोटक भाग जाहाज नष्ट होऊन गेला।

प्रकाशितवाक्य 9:10

हुनमन चो लेंगड़ी बिच्छुमन चो असन रली आउर हुनमन ने डाड़ा रये, आउर हुनमन के पांच मयना ले मानेमन के दुक पहुँचातोर जोन अधिकार मिरू रये, हुन हुनमन चो लेंगड़ी ने रली।

प्रकाशितवाक्य 9:19

कसनबल्लोने हुन घोड़ामन चो सामरत हुनमन चो मुंह आउर हुनमन चो लेंगड़ी ने रली; ऐईकाजे कि हुनमन चो लेंगड़ीमन सांपमन असन रली, आउर हुन लेंगड़ीमन चो मुण्ड बले रये आउर ऐचीई ले हुनमन डण्ड पहुँचाते रवत।