प्रकाशितवाक्य 11:8 - Halbi

⁸ हुनमन चो लाश हुन बड़े नंगर चो जोड़ान ने पडु रयदे, जोन आत्मिक रीति ले सदोम आउर मिस्र बोला जाऊ आय, जोन थाने हुनमन चो परबु बले कुरूस थाने चेगाया जाऊ रलो।

परमेस्वर को सच्चो वचन ख जाननू

⁸ उनकी लास उ बड़ो सहर कि चऊक म पड़ा रहेगो, जो आत्मिक रूप से सदोम अर मिसर बोलो जावा हैं, जिते उनको प्रभु भी सूली पर चढ़ायो गयो रहा।

प्रकाशितवाक्य 11:8 Iomraidhean Croise

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

प्रेरितो 9:4

आउर हुन भूईं ने घसरलो आउर ऐ शब्द सुनलो, “हे शाऊल, हे शाऊल, तुय मोके केंव कन्दराय सीस?”

इब्रानियो 13:12

ऐई लागुन, ईशु बले लोगमन के आपलो ची लऊ चो दुवारा पवितर करतो काजे कपाट चो बहारे दुख उठालो।

इब्रानियो 6:6

अगर हुनमन भटकुन जादे तो हुनमन के मन फिरातो काजे फेर नवा बनातोर नी होये; कसनबल्लोने हुनमन माहापुरू चो बेटा के आपलो काजे फेर कुरूस उपरे चेगाऊ आत आउर परकट ने हुनचो उपरे कलंक लगाऊ आत।

2 पतरस 2:6

आउर सदोम आउर अमोरा चो नंगरमन के बिनाश चो असन डण्ड दिलो कि हुनमन के भसम करून लाकड़ी ने मिसान दिलो बल्ले हुनमन ऐतो बिती भगतहीन लोगमन चो सिक्या चो काजे गोटक कहनी बनोत,

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।

प्रकाशितवाक्य 11:13

फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

प्रकाशितवाक्य 11:9

सपाय लोगमन आउर कुलमन आउर भाषामन आउर जातिमन चो लोग हुनमन चो लाशमन के साढ़े तीन दिन ले दकते रदे, आउर हुनमन चो लाशमन के कबर ने संगाक नी देदे।

प्रकाशितवाक्य 14:20

आउर नंगर चो बाहरे हुन रसकुण्ड ने दाख लगड़ाय गेली, आउर रसकुण्ड थानले इतलो लऊ निकरली कि घोड़ामन चो लगाममन ले पहुँचली, आउर सव कोस तक बोहडून गेली।

प्रकाशितवाक्य 14:8

फेर ऐचो पाचे गोटक आउर, दुसर, सरगदूत ऐ बलते ईलो, “घसरलो, हुन बड़े बेबीलोन घसरलो, जोन आपलो बेबीचार चो कोपमय मन्द सपाय जातिमन के पिआलो से।”

प्रकाशितवाक्य 16:19

ऐचो ले हुन बड़े नंगर चो तीन गोंदा होऊन गेली, आउर जाति-जाति चो नंगर घसरुन पढ़ली; आउर बड़े बेबीलोन चो सुरता माहापुरू चो थाने होली कि हुन आपलो रीस चो चिड़चिड़ा चो मन्द हुनके पिआओ।

प्रकाशितवाक्य 17:1

जोन सात सरग दूतमन चो लगे हुन सात बटकामन रये, हुनमन थानले गोटक ऐऊन भाती मचो ले ऐ बल्लो, “ऐ बाटे आव, मय तुके हुन बड़े बेश्या चो डण्ड दकायें दें, जोन खुबे असन पानी थाने बसली से,”

प्रकाशितवाक्य 17:18

“हुन बायले लेकी, जेके तुय दकली सीस, हुन बड़े नंगर आय जोन धरतनी चो राजामन थाने राज करू आय।”

प्रकाशितवाक्य 17:5

हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

प्रकाशितवाक्य 18:10

हुनचो दुख चो डर चो मारे हुनमन खुबे लापी उबा होऊन भाती बोल दे, “हे बड़े नंगर, बेबीलोन! ‘हे मजबूत नंगर, हाय! हाय! घड़ी भर ने ची तुके डण्ड मिरली से।’

प्रकाशितवाक्य 18:18

“आउर हुनचो जरतोर कुमरा दकुन भाती हाग देऊन भाती बोल दे, ‘कोन बिती नंगर ऐ बड़े नंगर चो असन आय?’”

प्रकाशितवाक्य 18:2

हुन बड़े जोर ले चिचयाऊन भाती बल्लो, “घसरलो बड़े बेबीलोन घसरलो से! हुन दुष्टआत्मामन चो निवास, आउर हरकोनी अशुद्ध आत्मा चो अड्डा, आउर हरकोनी अशुद्ध आउर घिन-घिना चड़ीई चो अड्डा होली।

प्रकाशितवाक्य 18:21

फेर गोटक बलवान सरगदूत बड़े जता चो पाट चो असन गोटक पकना उठालो, आउर ऐ बोलुन भाती समुन्द ने पकान दिलो, “बड़े नंगर बेबीलोन असने ची बड़े बल ले घसराया जाय दे, आउर फेर केबीई हुनचो पता नी चले दे।

प्रकाशितवाक्य 18:24

अगम गिआनीमन आउर पवितर लोगमन, आउर धरतनी थानो सपाय घात करलो बितामन चो लऊ हुनी थाने पाया गेली।”