प्रकाशितवाक्य 11:13 - Halbi

¹³ फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

परमेस्वर को सच्चो वचन ख जाननू

¹³ फिर उत्तीच घड़ी एक बड़ो भूकम्प भयो, अर सहर को दसवो हिस्सा मिठ्टी म मिल गयो; अऊर सात हजार इंसान हुन भूकम्प म मर गया अऊर जो बच गया, उनना डर ख स्वर्ग को परमेस्वर कि बड़ाई करी।

प्रकाशितवाक्य 11:13 Iomraidhean Croise

यूहन्ना 9:24

तेबे हुनमन हुन मनुक के जोन काना रये, दुसरहार हाग देऊन हुनचो ले बल्ला, “माहापुरू चो स्तुति कर। आमी तो जानु से कि हुन मनुक पापी आय।”

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रकाशितवाक्य 11:11

मान्तर साढ़े तीन दिन चो पाचे माहापुरू चो बाटले जीवना चो सांस हुनमन उपरे बसुन गेली, आउर हुनमन आपलो पाँयमन चो बल उबा होऊन गेला, आउर हुनमन के दकतो बितामन थाने बड़े भय छाऊन गेली।

प्रकाशितवाक्य 11:19

तेबे माहापुरू चो जोन मंदिर सरग ने आसे हुन उगाढ़ा गेली, आउर हुनचो मंदिर ने हुनचो बायदा चो सन्दूक दका दिली; आउर बिजलीमन आउर शब्द आउर गरजन आउर भुकम होली आउर बड़े गोला पड़ली।

प्रकाशितवाक्य 14:7

हुन बड़े शब्द ले बल्लो, “माहापुरू ले डरा, आउर हुनचो महिमा करा, कसनबल्लोने हुनचो नियाय करतोर समया ऐऊन पहुँचली से; आउर हुनचो आराधना करा, जोन सरग आउर धरतनी आउर समुन्द आउर पानी चो सतान बनाला।”

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 19:7

ईआ, आमी हरिक आउर उदुम होऊ, आउर हुनचो स्तुति करूं, कसनबल्लोने मेमना चो बिहा लगे अमरली से, आउर हुनचो दुली आपन खुद के तिआर करली से।

प्रकाशितवाक्य 3:4

“मान्तर हव, सरदीस ने तुचो थाने कितलो असन लोग आसोत जोनमन आपलो-आपलो फटीई अशुद्ध नी करला, हुनमन पंडरी फटीई पिन्दुन भाती मोचो संगे बुलदे, कसनबल्लोने हुनमन ऐ लायक आत।”

प्रकाशितवाक्य 6:12

जिदलदाय हुन छठवां सील खोललो, तेबे मय दकले कि गोटक बड़े भूकम होली, आउर बेर कामरा चो असन करया आउर पुरा जोन लऊ चो असन होऊन गेली।

प्रकाशितवाक्य 8:5

तेबे सरगदूत धूपदान धरून भाती हुन थाने बेदी चो आईग भरलो आउर धरतनी थाने डालुन दिलो; आउर गरजन आउर शब्द आउर बिजलीमन आउर भूकम होऊक मुरयाली।